Varalakshmi Vratam: வரலட்சுமி விரதம் 2020 எப்போது? பூஜை செய்வதற்கான உகந்த நேரம் இதோ!

இந்தியாவில் இந்து கோயில்கள் ஆயிரக்கணக்கில் உள்ளன. அதே போல் கடவுளை வணங்கக்கூடிய பக்தர்கள் கடைப்பிடிக்கும் சடங்கு சம்பிரதாயங்களும் எக்கச்சக்கமாக உள்ளன.

பக்தர்களின் வழிபாட்டு முறை மற்றும் விரத முறை ஒவ்வொரு இடத்தில் வித்தியாசமாக உள்ளன. அந்த வகையில் தென் இந்தியாவில் தமிழகம், கர்நாடகா, ஆந்திராவில் மிகவும் பக்தி சிரத்தையாகப் பெண்கள் கடைப்பிடிக்கும் ஒரு விரதம் வரலட்சுமி விரதம்.

ஒவ்வொரு பண்டிகை அல்லது இறை வழிபாடு அல்லது விரத முறை ஒருசில குறிப்பிட்ட காரணங்களுக்காக கடைப்பிடிப்பதை வழக்கமாக வைத்துள்ளனர். அந்த வகையில் கன்னிப் பெண்களும், திருமணமான சுமங்கலிப் பெண்கள் வரலட்சுமி விரதத்தை கடைப்பிடிப்பது வழக்கமாக உள்ளது.

வரலட்சுமி விரதத்தின் போது கேட்க வேண்டிய பக்தி பாடல்கள் இதோ...

வரலட்சுமி வரதம் எப்போது?
ஆடி மாதத்தில் பெளர்ணமிக்கு முன் வரக்கூடிய வெள்ளிக்கிழமை தினத்தில் இந்த வரலட்சுமி விரதம் கடைப்பிடிக்கப்படுகிறது. காக்கும் கடவுள் மகாவிஷ்ணுவின் துணைவியும், செல்வங்களை அளித்தருளக்கூடிய மகாலட்சுமி தேவியை போற்றி வணங்கி அவரின் அருளாசி பெறுவதே இந்த விரதத்தின் நோக்கம்.

இந்தாண்டு வரலட்சுமி விரதம் ஜூலை 31ம் தேதி (ஆடி 16) வெள்ளிக்கிழமை கடைப்பிடிக்கப்படுகிறது.

வரலட்சுமி விரதம் : வீட்டில் பூஜை எப்படி செய்வது, அதன் பலன்கள் என்ன தெரியுமா?

வரலட்சுமி விரத பூஜைக்கான உகந்த நேரம்?
வரலட்சுமி விரதத்தை கடைப்பிடிக்கும் பெண்கள் முதல் நாளே வீட்டையும், பூஜை அறையையும் சுத்தம் செய்து வைத்துக் கொள்வது அவசியம்.

வெள்ளிக்கிழமை தினத்தில் காலையில் குளித்து இறைவனை வணங்கி விரதத்தை தொடங்க வேண்டும்.

வரலட்சுமி விரதம் சிறப்பு பூஜை செய்ய உகந்த நேரம்
வரலட்சுமி விரதம் 2020 ஜூலை 31 வெள்ளிக்கிழமை அனுசரிக்கப்படும்
சிம்ம லக்னம் பூஜைக்கான உகந்த நேரம் (காலை) - 06:59 முதல் 09:17 வரை (காலம் - 02 மணி 17 நிமிடங்கள்)

விருச்சிக லக்னம் பூஜைக்கான உகந்த நேரம் (பிற்பகல்) - 01:53 முதல் 04:11 வரை (காலம் - 02 மணி 19 நிமிடங்கள்)

கும்ப லக்னம் பூஜைக்கான உகந்த நேரம் (மாலை) - 07:57 முதல் 09:25 வரை (காலம் - 01 மணி 27 நிமிடங்கள்)

ரிஷப லக்னம் பூஜைக்கான உகந்த நேரம் (நள்ளிரவு) - 12:25 முதல் 02:21, ஆகஸ்ட் 01 (காலம் - 01 மணி 56 நிமிடங்கள்)

மற்ற லக்னகாரர்கள் அன்று நல்ல நேரம் வரக்கூடிய காலை 9.15 மணி முதல் 10.15 வரையில் அல்லது மாலை 4.45 மணி முதல் 5.45 மணி வரை பூஜை செய்யலாம்.

வரலட்சுமி விரதத்திற்கான அலங்காரம் எப்படி செய்வது? எதை எல்லாம் பயன்படுத்தலாம்

வரலட்சுமி விரதத்தின் முக்கியத்துவம்:
இந்த விரதத்தின் முக்கியத்துவமே சுமங்கலி பெண்கள் தங்களின் கணவன் நீண்ட ஆயுளுடன் எந்த குறையும் இல்லாமல் வாழ வேண்டும்.

தொழில் சிறக்க வேண்டும். அதனால் கிடைக்கும் தனம், பொருள் வரவு மூலம் மனைவி, குழந்தைகளுடன் மகிழ்ச்சியான குடும்பத்தை அனுபவிக்க வேண்டும் என எல்லா வரத்தையும் தரக்கூடிய மகாலட்சுமி தேவியை நினைத்து கடைப்பிடிக்கக்கூடிய விரதமாகும்.

கன்னி பெண்கள்
சுமங்கலி பெண்கள் மட்டுமல்லாமல் கன்னி பெண்களும் இந்த விரதத்தை கடைப்பிடிக்கின்றனர். ஒரு பெண்ணுக்கு முழுமையான பெண்ணாவது அவள் திருமண உறவில் ஈடுபடும் போது தான்.

அவளுக்கு எல்லாமுமாக இருக்கக்கூடியவன் கணவன். அதனால் நல்ல கணவன் அமைய வேண்டும் என லட்சுமியை வணங்கி விரதம் இருக்கின்றனர்.

வரலட்சுமி விரதம் எப்படி வந்தது... அதன் வரலாற்று கதை, ஆன்மிக பின்னனி இதோ

விரதத்தால் கிடைக்கும் அஷ்ட லட்சுமிகளின் அருள்

வரலட்சுமியை வணங்குவதன் மூலம் ஒருவர் அஷ்ட லட்சுமியின் ஆசீர்வாதத்தை பெறலாம்
ஆடி அல்லது மகாலட்சுமி லட்சுமி (ஆன்மீகக் கற்றளைத் தூண்டுபவர் அல்லது பாதுகாப்பவர்)
தன லட்சுமி (செல்வத்தின் தெய்வம்)

தைரிய லட்சுமி (தைரியத்தின் தெய்வம்)
செளபாக்ய லட்சுமி (நல்ல அதிர்ஷ்டத்தின் தெய்வம்)

விஜய லட்சுமி (வெற்றியின் தெய்வம்)
தன்யா லட்சுமி (தானியங்களை அருள்பவர்)
சந்தனா லட்சுமி (குழந்தைப் பேறு அருள்பவர்)
வித்யா லட்சுமி (ஞானத்தின் தெய்வம்)

இவ்வாறு, இந்த நாளில் ஒரு வரலட்சுமி விரதத்தைக் கடைப்பிடிப்பதன் மூலம், பெண்கள் ஆன்மீக மற்றும் பொருள் செழிப்புக்காக அஷ்ட லட்சுமியின் ஆசீர்வாதங்களை பெற்றிட முடியும்.