திருக்கார்த்திகை தீபத்திருவிழாவை முன்னிட்டு விசேஷ பூஜை.!

திருவண்ணாமலையில, திருக்கார்த்திகை தீபத்திருவிழாவை ஒட்டி, மகா தீப கொப்பரைக்கு கோ பூஜை, கஜ பூஜைகள் நடத்தப்பட்டு பின் மலை மீது ஏற்றப்பட்டது.

திருக்கார்த்திகை தீபத்திருவிழாவை ஒட்டி நாளை காலை திருக்கோவிலினுள் பரணி தீபமும், அதனை தொடர்ந்து மாலை 6 மணிக்கு கோயிலின் பின்புறமுள்ள மலையின் உச்சீயில் மகாதீபமும் ஏற்றப்படும். மகா தீபத்தை முன்னிட்டு மகா தீப கொப்பரைக்கு சிறப்பு பூஜைகள் செய்யப்பட்டு அதன் பின்பு கோ பூஜை, கஜபூஜை நடத்தப்பட்டது.

பின் ஊழியர்கள் மூலம் 2 ஆயிரத்து 668 அடி உயரமுள்ள மலையின் மீது மகா தீப கொப்பரை, மலை உச்சிக்கு சுமந்து செல்லப்பட்டது. 10ம் நாளான நாளை மாலை நடைபெறவுள்ள மகா தீபத்திற்காக இந்த மகா தீப கொப்பரையில் பக்தர்களால் காணிக்கையாக வழங்கப்படும் நெய் 3 ஆயிரத்து 500 லிட்டர் மற்றும் ஆயிரம் மீட்டர் காடா துணிகளை பயன்படுத்தியும் மகா தீபமானது ஏற்றப்படும்.