பித்ருதோஷம் நீங்க செய்ய வேண்டிய பரிகாரங்கள்

நம் பெற்றொர்களுக்கு செய்ய வேண்டிய கடமைகளை அவர்களின் காலத்திலே செய்து முடிக்க வேண்டும். அவ்வாறு செய்ய தவறும் போது அது குறையாக மாறி பித்ருதோஷம் ஏற்படுகிறது. எனவே ஒவ்வொரு வருடமும், பித்ரு கடன்களை தவறாமல் செய்து முடிப்பது மனிதராய் பிறந்த அனைவரின் கடமையாகும்.

பஞ்சாங்கத்தின் கூற்றுப்படி, ஒரு வருடம் என்பது நம் முன்னோர்களுக்கு ஒரு நாள் ஆகும். அதனால் ஒவ்வொரு நாளும் நம் முன்னோர்களுக்கு தவறாமல் உணவளிக்க வேண்டும். வருடத்திற்கு ஒருமுறை அவர்களுக்குச் செய்யவேண்டிய பித்ரு கர்மாக்களை முறைப்படி செய்து நம் முன்னோர்களுக்கு பிண்டம் அளிக்கவேண்டும்.


அவ்வாறு நாம் செய்ய தவறும் போது, நம் முன்னோர்களின் மனம் வருத்தமடைந்து அதுவே நமக்கு பித்ரு தோஷத்தை ஏற்படுத்துகிறது. இது நமது சந்ததிகளுக்கும் தொடர்வதால், நமக்குப் பிறக்கும் குழந்தைகளின் ஜாதகம் மூலமாக பித்ரு தோஷம் இருப்பதை நாம் தெரிந்துகொள்ளலாம்.

பித்ருதோஷம் நீங்க செய்ய வேண்டிய பரிகாரங்கள்:
பூசம், புனர்பூசம், விசாகம், அனுஷம், பூரட்டாதி, திருவாதிரை, சுவாதி, சதயம், அவிட்டம் இந்த நட்சத்திரத்தில் வரும் அமாவாசை நாளில், சிராத்தம் செய்தால், பித்ரு தோஷம் நீங்கும். மஹாளய பக்ஷத்தில் வரும் பரணி நட்சத்திரத்தில் திதி கொடுப்பது மிகவும் சிறப்பாகும். மேலும், அட்சய திரிதியை வரும் நாளில் பித்ருக்களுக்கு சிராத்தம் செய்தால் பித்ரு தோஷம் நீங்கும்.

இந்த நாட்களில் பரிகாரங்கள் செய்யும் போது பித்ரு தோஷம் நீங்கி வாழ்வில் மங்களம் பெருகும் என கூறப்படுகிறது.
Worship for ancesters