திமுக, அதிமுக விளம்பரத்தில் ஒரே மூதாட்டி!

சமீபத்தில் வெளியாகியுள்ள திமுக மற்றும் அதிமுக தேர்தல் பிரசார விளம்பரப் படங்களில் ஒரே மூதாட்டி நடித்துள்ள சம்பவம் வியப்பை ஏற்படுத்தியுள்ளது.

தமிழக சட்டசபை தேர்தலில் பிரசாரம் உச்சகட்டத்தை எட்டியுள்ளது. திமுக.,வும் அதிமுக.,வும் மாறி மாறி தங்களை விமர்சித்து விளம்பரம் செய்து வருகின்றன. இவ்விரு கட்சிகளின் விளம்பரங்கள் டிவிக்களில் ஒளிபரப்பாகின்றன.

அதில், இரு கட்சிகளின் விளம்பரங்களிலும் ஒரே மூதாட்டி நடித்துள்ளார். அவர் திமுக., விளம்பரத்தில், அதிமுக.,வை விமர்சித்தும், அதிமுக., விளம்பரத்தில் திமுக.,வை விமர்சித்தும் பேசுவது போல் நடித்துள்ளார். இந்த வீடியோ தற்போது சமூக வலைதளங்களில் வைரலாக பரவி வருகிறது.