பெஸ்ட் பேட்டரியுடன் புதிய சாம்சங் டேப்லெட்

சாம்சங் நிறுவனத்தின் கேலக்ஸி டேப் ஏ 8.0 (Galaxy Tab A 8.0) டேப்லெட் புதுப்பொலிவுடன் அறிமுகமாகியுள்ளது.

சாம்சங் நிறுவனத்தின் கேலக்ஸி டேப் ஏ 8.0 டேப்லெட் கடந்த 2015ஆம் ஆண்டு முதல் முறையாக அறிமுகமானது. இந்த மாடல் பெரும் வரவேற்பைப் பெற்ற நிலையில், தற்போது இதில் சில மாற்றங்களுடன் புதுப்பொலிவுடன் அறிமுகம் செய்துள்ளது சாம்சங்.

வியட்நாமில் நடைபெற்ற அறிமுக விழாவில் இது வெளியாகிள்ளது. 4G VOLTE போன்ற புதிய வசதிகள் சேர்க்கப்பட்டுள்ளன. நீடித்து நிற்கும் 5000mAh பேட்டரியும் ஆண்ட்ராய்ட் நூகட் 7.1 இயங்குதளமும் இதில் உள்ளது.

ஸ்னாப்டிராகன் 425 பிராசெஸர், 2GB RAM, 16GB ROM, 256GB வரை மெமரி கார்டு வசதி ஆகியவற்றுடன் கேமராவில் முக்கிய மாற்றம் செய்யப்பட்டுள்ளது. பழைய மாடலில் பிளாஷ் லைட் இல்லாத 5MP பின்புற கேமராவும் 2MP முன்பக்க கேமராவும் இருந்தது. பிளாஷ் லைட் கொண்ட 8MP பின்புற கேமரா மற்றும் 5MP முன்பக்க செல்ஃபி கேமரா கொண்டிருக்கிறது.

ஒரே ஒரு நானோ சிம் கார்டு போடும் வசதி உள்ளது. ஆனால், வாய்ஸ் காலிங் செய்ய முடியுமா என்பது பற்றி சாம்சங் குறிப்பிடவில்லை. இந்தியாவில் இந்த டேப்லெட் விற்பனைக்கு வருவது எப்போது என்பது குறித்த தகவலும் இல்லை.