வயிற்றில் கருவோடு பிறந்த ஆண் குழந்தை!

குஜராத்தில் பிறந்த குழந்தையின் வயிற்றில் கரு உருவாகி இருந்ததையடுத்து, அதை அறுவை சிகிச்சை மூலம் மருத்துவர்கள் அகற்றியுள்ளனர்.

கடந்த மாதம் குஜராத் மாநிலம் அகமதாபாத் அருகே உள்ள சனந்த் என்ற ஊரைச் சேர்ந்த தம்பதியருக்கு அழகான ஆண் குழந்தை பிறந்தது. இந்த குழந்தை பிறந்தது முதல் அதன் வயிறு வீக்கத்துடன் இருந்தது. இதனால் சந்தேகமடைந்த பெற்றோர், மருத்துவரிடம் சென்று காண்பித்தனர்.

துவக்கத்தி்ல் இயல்பான வீக்கம் என்று நினைத்த மருத்துவர்கள், பின்னர் சிடி ஸ்கேன் எடுத்து பார்த்த போது, குழந்தையின் வயிற்றில் கரு உருவாகி இருப்பதைக் கண்டு அதிர்ச்சியடைந்தனர்.

இதையடுத்து பல மருத்துவர்களின் ஆலோசனைக்குப் பிறகு குழந்தையின் வயிற்றில் இருந்தத கருவை அறுவை சிகிச்சையின் மூலம் அகற்ற டாக்டர்கள் முடிவு செய்தனர்.

தொடர்ந்து இரண்டு வாரங்களுக்கு முன்பு குழந்தையின் வயிற்றில் இருந்த வளர்ச்சியடையாத சிசுவை அறுவை சிகிச்சை மூலம் மருத்துவர்கள் அகற்றினர். இது போன்ற பிரச்னை மிகவும் அரிதானது என்றும் 5 லட்சம் பேருக்கு ஒருவருக்கு தான் இது போல் பிரச்னை என்றும் மருத்துவர்கள் தெரிவித்தனர்.