ஆப்நகரம்

மும்பையில் கருக்கலைப்பு செய்வோர் எண்ணிக்கை முதல்முறையாக சரிவு

மும்பையில் கருக்கலைப்பு செய்வோர் எண்ணிக்கை முதல்முறையாக, சரிவடைந்துள்ளதாக, ஆய்வில் தெரியவந்துள்ளது.

TNN 16 May 2017, 9:00 am
மும்பையில் கருக்கலைப்பு செய்வோர் எண்ணிக்கை முதல்முறையாக, சரிவடைந்துள்ளதாக, ஆய்வில் தெரியவந்துள்ளது.
Samayam Tamil abortions in mumbai fall first time this decade down 4
மும்பையில் கருக்கலைப்பு செய்வோர் எண்ணிக்கை முதல்முறையாக சரிவு


திருமணத்திற்கு முன்பே கர்ப்பம் தரிப்பது, கருக்கலைப்பு செய்வது மற்றும் திருமணத்திற்குப் பிறகும் விருப்பத்தின்பேரில் கருக்கலைப்பு செய்வது நாட்டிலேயே மும்பையில்தான் அதிகளவில் நடைபெறுவதாகக் கூறப்படுகிறது.

இதுபற்றி தகவல் அறியும் உரிமைச்சட்டத்தின்கீழ் விவரம் கேட்டு தனியார் தொண்டு நிறுவனம் விண்ணப்பம் செய்தது. இதற்கு மும்பை பெருமாநகராட்சி நிர்வாகம் விளக்கம் அளித்துள்ளது.

அதில், கடந்த 2016-17ம் நிதியாண்டில் மும்பை முழுவதும் உள்ள கருக்கலைப்பு மையங்களில் மேற்கொள்ளப்பட்ட கருக்கலைப்பு சிகிச்சைகளின் எண்ணிக்கை, 33,526 ஆகக் குறைந்துள்ளதாகக் கூறப்பட்டுள்ளது. இது, முந்தைய நிதியாண்டில் நடைபெற்ற 34,790 கருக்கலைப்புகளுடன் ஒப்பிடுகையில், 4% சரிவாகும்.

கருக்கலைப்பு செய்யும் 15 வயதுக்குக் குறைவான டீன் ஏஜ் சிறுமிகளின் எண்ணிக்கை பெரிதும் குறைந்துள்ளதே, ஒட்டுமொத்த கருக்கலைப்பு எண்ணிக்கை சரிய முக்கிய காரணமாகும். இதேபோன்று, 15 முதல் 19 வயது வரையான இளம்பெண்கள் கருக்கலைப்பு செய்வதும், 34% சரிவடைந்துள்ளது.

மேலும், 19 வயதுக்கு மேலான பெண்கள் கருக்கலைப்பு செய்வதும், 52% குறைந்துள்ளது. திருமணத்திற்கு முன்பே கர்ப்பம் தரிப்பது, கருக்கலைப்பு செய்வதால் ஏற்படும் உடல்நலக் கோளாறுகள் உள்ளிட்டவை குறித்து, தொடர்ச்சியாக விழிப்புணர்வு பிரசாரங்கள் செய்துவருவதால், கருக்கலைப்பு எண்ணிக்கை குறைந்துள்ளதாக, இந்த தகவலை வெளியிட்டுள்ள தனியார் தொண்டு நிறுவனம் குறிப்பிட்டுள்ளது.

குறிப்பாக, டீன் ஏஜ் சிறுமிகளிடையே பாலியல் விழிப்புணர்வை ஏற்படுத்த வேண்டிய கட்டாயம் உள்ளதாகவும் அந்த நிறுவனம் சுட்டிக்காட்டி உள்ளது.

For the first time in this decade, the number of abortions has shown a decline in the city in 2016-17.

அடுத்த செய்தி