அம்மா உணவகம் மாதிரியே மண்டியாவில் ரம்யா உணவகம் !

வராணம் ஆயிரம் படத்தில் நடித்த நடிகை ரம்யாவின் பெயரில் மண்டியாவில் மலிவு விலை உணவகம் திறக்கப்பட்டுள்ளது.

கர்நாடகாவில் சட்டப்பேரவை தேர்தல் நெருங்கும் நிலையில் தொடங்கப்பட்டுள்ள ரம்யா உணவகத்துக்கு நல்ல வரவேற்பு கிடைத்துள்ளது.

மறைந்த தமிழக முன்னாள் முதல்வர் ஜெயலலிதா தொடங்கிய அம்மா உணவகத்துக்கு தமிழகம் மட்டுமல்லாமல் நாடு முழுவதும் நல்ல வரவேற்பு கிடைத்தது. இதே பாணியில் கர்நாடகாவில் இந்திரா கேண்டீன் (உணவகம்) தொடங்கப்பட்டு, முதல்கட்டமாக பெங்களூருவில் 198 மலிவு விலை உணவகங்கள் செயல்பட்டு வருகின்றன.

இதையடுத்து முன்னாள் பிரதமர் தேவகவுடாவின் மதசார்பற்ற ஜனதா தளம் கட்சி சார்பாக ''அப்பாஜி கேண்டீன்'' திறக்கப்பட்டது.

இந்நிலையில் கர்நாடக மாநிலம் மண்டியாவில் நடிகையும், அந்த தொகுதியின் முன்னாள் எம்பியுமான‌ ரம்யா பெயரில் மலிவு விலை உணவகம் தொடங்கப்பட்டுள்ளது.

ரம்யா ரசிகர் மன்ற தலைவர் ரகு தொடங்கியுள்ள இந்த உணவகம் மண்டியா - மைசூரு பிரதான சாலையில் அமைந்துள்ளது. நடிகை ரம்ப்யாவுக்கு இந்த உணவகத்தோடு தொடர்பு இல்லாவிட்டாலும் . தேர்தலை காரணமாக கொண்டு இந்த உணவகம் திறக்கப்பட்டதாக குறப்படுகிறது. இந்த தேர்தலில் மண்டியா தொகுதியில் களமிறங்க ரம்யா ஆர்வம் காட்டிவருவது குறிப்பிடத்தக்கது.

'குமாரி ரம்யா கேண்டீனில்' (உணவகத்தில்) காலை சிற்றுண்டி ரூ. 5-க்கும், மதிய உணவு ரூ.10-க்கும் விநியோகிக்கப்படுகிறது. மலிவு விலையில் மசால் தோசை, ராகி களி, மத்தூர் வடை, இட்லி, பொங்கல் உள்ளிட்ட சுவையான உணவு வழங்கப்படுகிறது.