அடேங்காப்பா..! அம்பானி வீட்டு திருமண விழாவில் இத்தனை லட்சம் புகைப்படங்கள் எடுக்கப்பட்டதா?

திருமணம் என்றாலே வாழ்வின் சந்தோஷமான தருணம் தான் ஒரு மனிதன் வாழ்நாளில் அதை விட சந்தோஷமாக தருணம் ஒன்றை கடந்து வந்திருக்கவோ அல்லது இனிமேலும் கடக்கவோ முடியாது. இப்படியான சந்தோஷமான தருணங்களை கடந்த பின்பு அந்த தருணங்களின் நினைவுகளாக என்றும் இருப்பது புகைப்படங்கள் தான்.

ஒரு திருமணத்திற்கு புகைப்படம் என்பது மிக முக்கியமான விஷயமாக பார்க்கப்படுகிறது. ஒரு மனிதன் வாழ்வில் சந்தோஷமாக இருக்கும் ஒவ்வொரு தருணங்களையும் இந்த புகைப்படங்கள் அவர்கள் காலம் முழுவதும் நினைவூட்டிக்கொண்டே இருக்கும்.

தற்போது இந்தியாவில் மிகப்பெரிய பணக்காரர் முகேஷ் அம்பானியின் மகள் இஷா அம்பானியின் திருமணம் சமீபத்தில் நடந்தது. இந்த திருமணம் மிக ஆடம்பரமாகவும் பிரம்மாண்டமாகவும் நடந்தது. உலகின் இரண்டாவது ஆடம்பர வீடான அம்பானியின் அன்டிலா வீட்டிலேயே இந்த திருமணம் நடந்தது. இந்த திருமணத்தை புகைப்படம் எடுத்தவர் யார் தெரியுமா? நிச்சயமாக நீங்கள் தெரிந்து கொள்ள வேண்டிய விஷயம் இதில் நிறைய இருக்கிறது.
விவேக் செய்க்காரா என்ற 47 வயது உடைய ஒருவர் கர்நாடகா மாநிலம் மங்களூருவில் திருமண போட்டோகிராபராக இருந்து வருகிறார். இவர் கடந்த 2010,2011,2012 மற்றம் 2014ம் ஆண்டுகளுக்கான சிறந்த திருமண புகைப்படகாரர் விருதை வாங்கியுள்ளார். இந்த திருமணத்தை இவர் தலைமையிலான குழு தான் புகைப்படம் எடுத்தது.

இது குறித்து விவேக் கூறும் போது: "கடந்த ஜூன் மாதம் இந்த நிகழ்விற்காக என்னை தொடர்பு கொண்டனர். அவர்கள் அப்பொழுது டிசம்பர் மாதம் 1-15ம் தேதி வரை வேறு யாருக்கும் எந்த வேலையும் செய்ய ஒப்புக்கொள்ளாதீர்கள் உங்களுக்கான
பெரிய வேலை ஒன்று காத்திருக்கிறது என்ற தகவல் மட்டும் வந்தது. அதன் பின் கடந்த அக்., மாதம் அவர்கள் எனது ப்ரோபைல் மற்றும் சாப்பிள்களை கேட்டனர். நான் வழங்கி சில நாட்களில் என இந்த கான்ட்ராக்ட் கிடைத்தது. " என கூறினார்.

விவேக் உடன் சேர்ந்து 17 பேர் கொண்ட குழு இஷா அம்பானியின் திருமண நிகழ்வை முழுமையாக புகைப்படம் எடுத்தனர்.

இவர்கள் ப்ரீ வெட்டிங் முதல் பல முக்கிய பிரமுகர்கள் சந்திப்பு, கேன்டிட் ஷாட் என போட்டோக்களை சராமாரியாக எடுத்து அசத்தி விட்டனர். அவர்கள் 15 நாட்களில் மொத்தம் 12 லட்சத்திற்கும் மேற்பட்ட புகைப்படங்களை எடுத்து தள்ளியுள்ளனர். இந்த புகைப்படங்களை சேமிக்க மட்டும் 30 டிபி அதாவது 30 ஆயிரம் ஜிபி இடம் தேவைப்பட்டிருக்கிறது.

விவேக்கிற்கு இந்த கான்ட்ராக்ட் கிடைத்தபின்பு இதில் பணியாற்றும் மற்ற போட்டாகிராபர்களையும், இதர பணியாளர்களையும் தேடி கண்டுபடிக்கவே இவருக்கு 30 நாட்கள் ஆகியுள்ளது. இந்த திருமண நிகழ்வை புகைப்படம் எடுத்ததிற்கு தான் மிகவும் பெருமைபடுவதாகவும், அம்பானி வீட்டின் திருமண நிகழ்விற்கு தான் போட்டாகிராபராக இருப்பேன் என அவர் கனவிலும் நினைத்துப்பார்க்கவில்லை என்றும், இந்த நிகழ்வை அவர்கள் புக் செய்யும் போது கூட இது அம்பானி வீட்டு திருமணம் என அவர்கள் சொல்லவில்லை எனவும் கூறினார்.