டாய்லெட் கட்ட முடியாதவனுக்கு பொண்டாட்டி எதுக்கு? மாஜிஸ்ட்ரேட் பாய்ச்சல்

கழிப்பறை கட்ட முடியாவிட்டால் மனைவியை ஏலத்தில் விடு என்று பிகார் மாநில ஔரங்காபாத் மாஜிஸ்ட்ரேட் கன்வான் தனுஜ் பேசியுள்ளார்.

பிகார் மாநிலம் ஔரங்காபாத் மாவட்ட மாஜிஸ்ட்ரேட் கன்வால் தனுஜ் சனிக்கிழமை நடைபெற்ற கழிப்பறை கட்டுவது குறித்த விழிப்புணர்வு நிகழ்ச்சி ஒன்றில் பங்கேற்றார். அப்போது, கழிப்பறை கட்டுவதன் அவசியம் குறித்தும் திறந்த வெளியில் மல ஜலம் கழிப்பதால் ஏற்படும் கேடுகள் பற்றியும் பேசினார்.

அப்போது, பிகார் அரசு கழிப்படம் கட்ட ரூ.12000 நிதியுதவி அளிப்பது பற்றியும் குறிப்பிட்டார். ரூ.12 ஆயிரம் செலவிட்டால் கழிப்பறை கட்டிவிடலாம் என்று வலியுறுத்திய அவர், கூடியிருந்த மக்களைப் பார்த்து ரூ.12 ஆயிரத்தை விட தங்கள் மனைவியை தாழ்வாக நினைப்பவர்கள் யாராவது இருக்கிறார்களா? என்று கேட்டு கை உயர்த்தச் சொன்னார்.

அப்போது ஒருவர் எழுந்து தனக்கு கழிப்பறை கட்ட பணம் இல்லை என்று கூறியுள்ளார். அதற்கு பதில் கூறிய தனுஜ், “கழிப்பறை இல்லையென்றால், வீட்டில் இருக்கும் மனைவியை ஏலத்தில் விற்றுவிட்டு, அதன் பிறகு கழிப்பறை கட்ட பணமில்லை என்று சொல்லுங்கள்” என்று பேசியுள்ளார்.
#WATCH Aurangabad's DM Kanwal Tanuj says, " go sell your wife" to a person while addressing a public gathering on cleanliness (22.07) #Bihar pic.twitter.com/kqkQpVdC1q — ANI (@ANI_news) July 23, 2017