அம்மா உணவகம் போல கர்நாடகாவில் வருகிறது ‘இந்திரா கேண்டீன்’

பெங்களூரு: தமிழகத்தில் மக்களால் மிகவும் வரவேற்கப்பட்ட திட்டம் ‘அம்மா உணவகம்’. இதன் மூலம் மக்கள் மிகுந்த பயனைப் பெறுகின்றனர்.

அம்மா உணவகத்தின் பயனைப்பார்த்த மற்ற மாநில அரசுகள், தங்கள் மாநிலங்களிலும் அதுபோன்று குறைந்த விலையில் உணவை வழங்கும் திட்டத்தை தொடங்குவதாக அறிவித்தனர். அந்த வகையில் கர்நாடகாவில் கடந்த பட்ஜெட்டின் போது குறைந்த விலை உணவகம் ஆரம்பிக்கப்படும் என அறிவிக்கப்பட்டது.

இந்நிலையில் ஆகஸ்ட் 15ம் தேதி முதல் ‘இந்திரா கேண்டீன்’ என்ற பெயரில் உணவகம் இயங்கும் என முதல்வர் சித்தராமையா அறிவித்துள்ளார்.

இந்த திட்டத்திற்காக 177 உணவக மாதிரிகளும், 681 உணவக சின்னத்தையும் பரிந்துரைக்கப்பட்டது. இறுதியாக 240 இடங்களில் உணவகம் ஆரம்பிக்கப்படும் என தெரிவிக்கப்பட்டுள்ளது.

இதற்கு 500 சதுரடி கொண்ட ஒவ்வொரு உணவகத்திற்காக 7.50 லட்சம் ஒதுக்கப்பட்டுள்ளது என்றும். சிற்றுண்டி ரூ.5 மற்றும் மதிய உணவு ரூ. 10 என விலை நிர்ணயிக்கப்பட்டுள்ளது.

‘இந்திரா’ என்ற பெயருக்கு எதிர்ப்பு கிளம்பியுள்ள நிலையில்,12ம் நூற்றாண்டில் புகழ்வாய்ந்த அக்கா மகாதேவி என்ற கவிஞரின் நினைவாக அக்கா கேண்டீன் என பெயர் வைக்கவேண்டும் என கருத்து தெரிவிக்கப்படுகிறது.

As announced in Karnataka Budget 2017-18, cheaper food providing "Indira Canteens" will be started from August 15th of this year.