கின்னஸ் சாதனை புத்தகத்தில் இடம்பெற்ற உலகின் மிக நீளமான “ஸ்கார்ஃப்”..!

உலக அமைதியை வலியுறுத்தி சென்னையில் உலகின் மிக நீளமான ஸ்கார்ஃப் உருவாக்கப்பட்டுள்ளது.

இந்த ஸ்கார்ஃபின் மொத்த நீளம் 14.09 கிலோ மீட்டராகும். இந்த ஸ்கார்ஃபை தயாரிக்க உலகம் முழுவதிலும் உள்ள சுமார் 100-க்கு மேற்பட்ட பெண்கள் தங்கள் பங்களிப்பை செய்திருந்தனர். உலக சாதனையை நிகழ்த்துவதற்காக, சென்னை மேடவாக்கத்தில் உள்ள தனியார் விடுதியின் இடத்தில், இந்த பிரம்மாண்ட ஸ்கார்ஃப் பார்வைக்கு வைக்கப்பட்டது.

இந்த ஸ்கார்ஃபை பார்வையிட்ட கின்னஸ் சாதனை புத்தகக் குழு, இதனை உலக சாதனையாகவும் அங்கீகரித்துள்ளது. உலகின் மிக நீண்ட ஸ்கார்ஃப் என்ற வகையில் நிகழ்த்தப்படும் முதல் சாதனை இதுவாகும். ஒற்றுமை என்ற கருத்தை உலகுக்கு வெளிப்படுத்த, இந்த முயற்சியில் தங்கள் சொந்த செலவில் அனைத்து பெண்களும் பங்கேற்றதாக நிகழ்ச்சி ஒருங்கிணைப்பாளர்கள் தெரிவித்துள்ளனர்.

Chennai: World’s longest scarf knitted to promote peace