தற்கொலையால் வாழ்வை இழக்கும் இளைஞர்கள்; இளம்பெண்ணின் கடைசி வீடியோ சொல்லும் பாடம்!

டெல்லி: வாழ்வின் அழுத்தம் காரணமாக, தற்கொலை செய்து கொண்ட பெண்ணின் கடைசி நிமிட வீடியோ அனைவரையும் அதிர்ச்சிக்கு ஆளாக்கியுள்ளது.

அடுத்த தலைமுறையின் சமூகத்தை கட்டமைக்கும் மாமனிதர்களாக இன்றைய குழந்தைகள் திகழ்கிறார்கள். அவர்களை எந்தவொரு செயலையும் கட்டாயப்படுத்தி செய்யச் சொல்வது ஆபத்தான ஒன்றாகும்.

பெற்றோர்கள் தங்கள் ஆசைகளை, குழந்தைகள் மீது திணிக்கக் கூடாது. அவ்வாறு கட்டாயப்படுத்தும் எந்தவொரு நிகழ்வும் வெற்றிகரமாக அமையாது. வாழ்வின் பாதையை விபரீதத்தில் கொண்டு சென்றுவிடும்.

ஆண்டுதோறும் ஒரு லட்சத்திற்கும் மேற்பட்ட இந்தியர்கள் தற்கொலை செய்து கொள்கின்றனர். அவர்களில் 5% பேர் மாணவர்கள். கல்வி என்பது கட்டாயப்படுத்துவது அல்ல; அது கற்பிக்கப்பட வேண்டும்.

அதிகப்படியான மன அழுத்தம் காரணமாக இளம்பெண் தற்கொலை செய்து கொள்வது போன்று குறும்படம் ஒன்று உருவாக்கப்பட்டுள்ளது. அது கற்பனை என்றாலும், ஏராளமான மாணவர்களின் உண்மையான வேண்டுகோள் என்பதை மறக்கக்கூடாது.



இந்த பெண் கூறும் கருத்துக்கள், அனைத்துப் பெற்றோர்களுக்கும் பாடமாகும். நம் குழந்தைகளை இழந்து தவிக்கும் சூழலை, நாம் ஒருபோதும் உருவாக்கக்கூடாது.

குழந்தைகளை சுதந்திரமாக வாழ, முடிவெடுக்கக் கற்றுத் தருவோம். அவ்வாறே நடக்க அனுமதிப்போம்.

This Girl's Final Message To Her Parents Before Committing Suicide Is Heart Wrenching.