ஹைதராபாத்தில் அரிய வகை பறக்கும் பாம்பு

ஹைதராபாத்தில் அரிய வகை பறக்கும் பாம்பு கண்டெடுக்கப்பட்டுள்ளது.

ஆந்திரா மாநிலம் ஐதராபாத் கோஷமகால் என்ற இடம் உள்ளது . இந்த இடத்தில் மக்கள் நடமாட்டும் அதிகம் உள்ள சந்தை பகுதி இடம்பெற்றுள்ளது. இந்த சந்தியையில் அரிய வகை பாம்பு ஒன்று இருப்பதை கண்டு பொதுமக்கள் அதிர்ச்சியடைந்தனர்.

இதனையடுத்து இந்த தகவல் உடனடியாக பாம்பு பிடிக்கும் ஆர்வலர் அமைப்புக்கு தெரிவிக்கப்பட்டது.சம்பவ இடத்துக்கு விரைந்து வந்த பாம்பு பிடிக்கும் ஆர்வலர் அந்த அரிய வகை பாம்பை பிடித்தனர். பின்னர் அங்குள்ள சனிக்புரி விலங்குகள் பாதுகாப்பு மையத்திற்கு அந்த பாம்பு எடுத்து செல்லப்பட்டது.

இது குறித்து வனத்துறை அதிகாரி கூறும்போது," இந்த அரிய வகை பறக்கும் பாம்புகள் லேசான விஷத்தன்மை கொண்டது. இது மேற்கு தொடர்ச்சி மலை, வட கிழக்கு வனப்பகுதியில் மட்டுமே காணப்படும். இந்தியாவில் மூன்று வகை பறக்கும் பாம்புகள் உள்ளது.

அதில் இந்த பாம்பு ஆரனேட் என்ற வகையை சார்ந்தது . இவைகள் காற்றில் தங்கள் உடலை மெலிதாக சுருக்கி கொண்டு மரக்கிளைகள், மரங்கள் ஆகியவற்றில் காணப்படும்."என்று அவர் கூறினார்.