அமெரிக்க நகரம் விற்பனைக்கு; அந்த ஊரு என்ன விலைன்னு கேளு

கலிபோர்னியா: கையில காசு இருக்கு என்னத்த வாங்குறது? இந்த ரோட்ட வாங்குவோமா? இல்லை இந்த தெருவனாலும் வாங்கி போடுவோம் என்று நினைப்பவர்களுக்கு ஓர் அரிய வாய்ப்பாக தற்போது அமெரிக்காவில் நகரம் ஒன்று விற்பனைக்கு வந்துள்ளது.

அமெரிக்காவில் கல்-நெவ்-அரி என்ற சிறிய நகரம் உள்ளது. இத நகரத்தின் முதலாளி, நான்சி கிட்வேல் எனும் 78 வயது பெண். சுமார் அரை நூற்றாண்டுக்கு முன்னர் இவரும், அவரது முதல் கணவரும் சேர்ந்து 500-க்கும் மேற்பட்ட ஏக்கர் அளவு கொண்ட இந்த நகரத்தை வாங்கியுள்ளனர்.

இந்த நகரத்தில் மொத்தம் 375 பேர் மட்டுமே வசிக்கின்றனர். இங்கு ஓட்டல், கேசினோ, ஜெனரல் ஸ்டோர், லாண்டரி, பார், ரெஸ்டாரென்ட் உள்ளிட்ட வசதிகள் உள்ளன. தற்போது, இந்த நகரத்தை விற்க முனைந்துள்ள கிட்வேல், இந்த நகரத்துக்கு 8 மில்லியன் அமெரிக்க டாலர் என விலை நிர்ணயம் செய்துள்ளார்.

இதேபோல், ஆஸ்திரேலிய நாட்டின் தராலியா எனும் நகரமும் 11 மில்லியன் அமெரிக்க டாலர்களுக்கு விற்பனைக்கு உள்ளது என்பது குறிப்பிடத்தக்கது.