ஃபேஸ்புக், வாட்ஸ்ஆப் உள்ளிட்ட 22 சமூக வலைதளங்களுக்கு ஜம்மு காஷ்மீரில் தடை

ஜம்மு காஷ்மீர் மாநிலத்தில், பாதுகாப்பு அம்சங்களை கருத்தில் கொண்டு, ஃபேஸ்புக், வாட்ஸ்ஆப் உள்ளிட்ட 22 சமூக வலைதளங்களை அம்மாநில அரசு தடை செய்துள்ளது.

சமூக ஊடகங்களின் ஆதிக்கம் இன்றைக்கு அதிகமாக உள்ளது. எந்த ஒரு பிரச்னையாக இருந்தாலும் சமூக ஊடகங்களில் விவாதிக்கப்படுவதோடு, நாட்டில் எங்கே தவறு நடந்தாலும் அது வைரலாகப் பரவவும் சமூக ஊடகங்கள் பயன்படுகின்றன.

அத்துடன், சட்டம், ஒழுங்கை சீர்குலைக்கவும், வதந்தியை பரப்பவும் ஃபேஸ்புக், வாட்ஸ்ஆப் அதிகமாகப் பயன்படுத்தப்படுகிறது. இதனை கருத்தில்கொண்டு, ஜம்மு காஷ்மீரில் வாட்ஸ்ஆப், ஃபேஸ்புக் உள்ளிட்ட 22 வகையான சமூக ஊடகங்களுக்குத் தடை விதித்து, அம்மாநில அரசு தடை விதித்துள்ளது.

வாட்ஸ்ஆப், ஃபேஸ்புக் மட்டுமின்றி, டுவிட்டர், விசாட், க்யூக்யூ, ஓசோன், கூகுள் பிளஸ், ஸ்கைப், லைன், பின்டிரஸ்ட், ஸ்னாப்சாட், யூ ட்யுப், வைன், ஃபிளிக்கர் உள்ளிட்டவை இந்த தடைக்கான பட்டியலில் அடங்கும்.

சமூக விரோத சக்திகள், இவற்றைப் பயன்படுத்தி வருவதைக் கட்டுப்படுத்தும் வகையில் தடை விதிக்கப்பட்டுள்ளதாகவும், ஜம்மு காஷ்மீர் மக்கள் ஒத்துழைப்பு வழங்கும்படியும் அம்மாநில உள்துறை செயலர் கோயல் விடுத்துள்ள சுற்றறிக்கையில் கேட்டுக் கொண்டுள்ளார்.

India: J&K government bans 22 social networking sites citing their misuse including FB, WhatsApp