ஒரு நிமிடத்தில் 124 தேங்காய்கள்: ஒரே கையால் உடைத்து இந்தியர் உலக சாதனை

திருச்சூர்: ஒரு நிமிடத்தில் 124 தேங்காய்கள் கைகளால் உடைத்து, கேரளாவைச் சேர்ந்தவர் உலக சாதனை படைத்துள்ளார்.

தேங்காய்களை வெறும் கைகளால் உடைத்து, புதிய உலக சாதனை இந்தியாவில் நிகழ்த்தப்பட்டுள்ளது. முன்னதாக ஜெர்மனியைச் சேர்ந்த முஹமது கஹ்ரிமனோவிக் என்ற நபர், தனது கைகளால் ஒரு நிமிடத்தில் 118 தேங்காய்கள் உடைத்தார். அது உலக சாதனையாக பதவி செய்யப்பட்டது. இந்நிலையில் கேரள மாநிலம் திருச்சூரைச் சேர்ந்த பூஞ்சார் என்பவர், புதிய சாதனை படைக்கும் முயற்சியில் ஈடுபட்டார்.

அதற்காக திருச்சூரில் உள்ள ஷோபா சிட்டி மாலில் சிறப்பு ஏற்பாடுகள் செய்யப்பட்டன. அங்கு வரிசையாக 124 தேங்காய்கள் வரிசையாக வைக்கப்பட்டன. இதையடுத்து தயாரான பூஞ்சார், தொடர்ச்சியாக தேங்காய்களை உடைக்கத் தொடங்கினார். சரியாக ஒரு நிமிடத்திற்குள் அனைத்து தேங்காய்களையும் உடைத்து முடித்தார். இது புதிய உலக சாதனையாக பதிவு செய்யப்பட்டுள்ளது. பூஞ்சார் கேரள மாநில போக்குவரத்து துறையில் ஊழியராக பணியாற்றி வருகிறார்.

Kerala Man Sets A World Record For Smashing 124 Coconuts In 1 Minute With His Bare Hands.