KiKi Dance : கிகி டான்ஸ் வைரலானதால் வந்த வினை - புதுசா தண்டனை கொடுத்த நீதிபதி

மும்பை : ரயில் நிலையத்தில் கிகி டான்ஸ் செய்த மூன்று பேருக்கு நீதிபதி புதிய தண்டனை விதித்து மற்றவர்களுக்கு எச்சரிக்கை விடுத்துள்ளார்.

ரோட்டில் கிகி சவால் டான்ஸ் ஆடி பலரும் சமூக வலைத்தளங்களில் வெளியிட்டு வருகின்றனர். ரோட்டில் கிகி டான்ஸ் ஆடுபவர்கள் மீது நடவடிக்கை எடுக்கப்படும் என போலீஸார் எச்சரித்து வருகின்றனர்.

விபத்து ஏற்பட வாய்ப்புள்ளதால் கிகி டான்ஸ் தவறு என போலீஸார் எச்சரித்தும் பல பிரபலங்கள் அதை செய்து வருகின்றனர்.

மறுபுறம் ரயில் நிலையத்தில் செல்ஃபி எடுக்கவே தடை விதிக்கப்பட்ட நிலையில், ரயிலில் கிகி டான்ஸ் சவால் செய்த 3பேரை மும்பை போலீஸார் கைது செய்துள்ளனர்.



வீடியோ வைரலானதால் வந்த வினை:
கைது செய்யப்பட்ட 20,23,24 வயது இளைஞர்களை கிகி சவால் டான்ஸ் செய்து சமூக வலைத்தளங்களில் வெளியிட்டனர். அந்த வீடியோ வைரலான நிலையில், அதைப் பார்த்த போலீஸார் அவர்களை தற்போது கைது செய்து, நீதிமன்றத்தில் நிறுத்தியது.



இந்நிலையில் அந்த இளைஞர்கள் கிகி டான்ஸ் செய்த மும்பையில் உள்ள வசை ரயில் நிலையத்தை சுத்தம் செய்ய வேண்டும் எனவும், கிகி டான்ஸ் ஆடுவதால் ஏற்படும் விபரீதத்திற்கு விழிப்புணர்வு ஏற்படுத்த வேண்டும் என நீதிபதிகள் தீர்ப்பு வழங்கியுள்ளனர்.