புதிய நுண்ணுயிரிக்கு கலாம் பெயர்: நாசா விஞ்ஞானிகள் கவுரவம்

லாஸ் ஏஞ்சல்ஸ்: நாசா விஞ்ஞானிகள் புதிதாக கண்டுபிடிக்கப்பட்ட நுண்ணுயிரிக்கு மறைந்த விஞ்ஞானியும், முன்னாள் குடியரசுத் தலைவருமான ஏ.பி.ஜே.அப்துல் கலாமின் பெயரைச் சூட்டி கவுரவித்துள்ளனர்.

இந்த நுண்ணுயிரி வகையான புதிய உயிரினம், ஐ.எஸ்.எஸ். என்று அழைக்கப்படுகிற சர்வதேச விண்வெளி நிலையத்தில் மட்டுமே காணப்படக்கூடிய ஒன்றாகும். இந்த உயிரினத்தை பூமியில் காணமுடியாது என கூறப்படுகிறது.

அமெரிக்க விண்வெளி ஆராய்ச்சி அமைப்பான ‘நாசா’வின் முக்கிய ஆய்வுக்கூடமான ‘ஜெட் புரோலிபியன் லேபாரட்டரி’யின் ஆராய்ச்சி விஞ்ஞானிகள், சர்வதேச விண்வெளி நிலையத்தின் வடிகட்டிகளில் (பில்ட்டர்களில்) ஒருவிதமான புதிய உயிரினத்தை கண்டுபிடித்துள்ளனர். இந்த உயிரினத்துக்கு ‘சொலிபாசில்லஸ் கலாமி’ என பெயர்ச் சூட்டி இந்தியாவின் ஏவுகணை விஞ்ஞானியான அப்துல் கலாமை கவுரவித்துள்ளனர்.

கடந்த 1963-ல் நாசாவில் பயிற்சி பெற்ற பிறகு தான் அப்துல் கலாம், இந்தியாவின் முதல் ராக்கெட் ஏவுகதளத்தை கேரள மாநிலத்தின் தும்பா மீனவ கிராமத்தில் அமைத்தது குறிப்பிடத்தக்கது.

இது குறித்து ‘ஜெட் புரோலிபியன் லேபாரட்டரி’யின் மூத்த ஆராய்ச்சி விஞ்ஞானி கஸ்தூரி வெங்கடேஸ்வரன் கூறுகையில், 'புதிதாக கண்டுபிடிக்கப்பட்டுள்ள நுண்ணுயிரிக்கு சொலிபாசில்லஸ் கலாமி என பெயர் சூட்டப்பட்டுள்ளது. இது சொலிபாசில்லஸ் இனத்தைச் சேர்ந்த நுண்ணுயிரியாகும்'.

விஞ்ஞானி வெங்கடேஸ்வரனை பொறுத்தவரை பூமியில் இருந்து சுமார் 400 கி.மீ. உயரத்தில் அமைக்கப்பட்டுள்ள விண்வெளி ஆராய்ச்சி மையத்தில் ஏராளமான நுண்ணுயிரிகளின் வசிப்பிடமாகும். இது இங்குள்ள விண்வெளி வீரர்களின் வாழ்வியலுடன் இணைக்கப்பட்டுள்ளதாக கருதப்படுகிறது.

மேலும், ஒரு தமிழன் என்கிற முறையில் டாக்டர் கலாம் விண்வெளி ஆராய்ச்சியில் அளித்துள்ள பங்களிப்புகளை அறிவேன்' எனவும் தெரிவித்தார்.

In great news for India, scientists at NASA have named a new organism discovered by them after the much-loved APJ Abdul Kalam. Till date, the new organism - a form of a bacteria - has been found only on the International Space Station (ISS) and has not been found on earth.