11 மணிநேரத்தில் 650 கி.மீ தூரத்தை கடந்து சாதனை படைத்த சகோதர புறாக்கள்!

தெலுங்கானா மாநிலத்தில் 11 மணி நேரத்தில் 650 கி.மீ தூரத்தை கடந்து சகோதர புறாக்கள் சாதனை படைத்துள்ளன.

தெலுங்கானா மாநிலத்தில் உள்ள காமாரடி என்ற பகுதியில் புறா பந்தயம் நடந்தது. இந்தப் போட்டியில், பல்வேறு மாநிலங்களைச் சேர்ந்த புறாக்கள் பறக்கவிடப்பட்டது. இதில், ஒசூரைச் சேர்ந்த தாண்டவமூர்த்தி என்பவரது புறாக்களும் பங்குபெற்றது. அப்போது, இந்தப் போட்டியின் பந்தய தூரமான 650 கி.மீ தூரத்தை வெறும் 11 மணி நேரத்தில் கடந்து முதல் மற்றும் 2ம் இடம் பிடித்து சாதனை படைத்துள்ளது.

இந்தப் போட்டியில் வெற்றி பெற்ற புறாக்கள், சகோதர புறாக்களாம். அதாவது, அக்கா, தம்பி என்று சகோதர உறவு புறாக்களாகும். மேலும், தாண்டவமூர்த்தியின் 5 புறாக்கள் 4,5,6,8 மற்றும் 10வது இடங்களைப் பிடித்து வெற்றி பெற்றுள்ளது. இப்படி ஒரே போட்டியில் தனது 11 புறாக்களையும் பறக்கவிட்டு, வெற்றி பெற வைத்து சாதனைக்கு சொந்தமாக்கியுள்ளார். மேலும், அதிக இடங்களில் தன்னுடைய புறாக்களை வெற்றி பெறச் செய்த தாண்டவமூர்த்தி தொடர்ந்து 3 ஆண்டுகளாக புறா பந்தையப் போட்டியில் சாம்பியனாக உள்ளார் என்பது குறிப்பிடத்தக்கது.