வாடகை சைக்கிள் திட்டத்தில் சாதனை படைத்த ம.பி. அரசு

நாட்டிலேயே முதல் முறையாக முழுமையாக சைக்கிள் வசதி உள்ள நகரம் என்ற பெருமையை மத்தியப் பிரதேச அரசு தனது வாடகை சைக்கிள் திட்டம் மூலம் பெற்றுள்ளது.

மத்தியப் பிரதேச அரசின் வாடகை சைக்கிள் திட்டம் அண்மையில் போபால் நகரில் தொடங்கிவைக்கப்பட்டது. இத்திட்டத்தின் கீழ், 500 சைக்கிள்களை வழங்கும் 50 வாடகை மையங்கள் நகரின் முக்கியப் பகுதிகளில் ஏற்படுத்தப்பட்டன.

இத்திட்டத்திற்கு அந்நகர மக்கள் சிறப்பான வரவேற்பு அளித்துள்ளனர். மேலும், மத்தியப் பிரதேச அரசின் ஸ்மார்ட் சிட்டி திட்டத்தின் இரண்டாம் ஆண்டு நிறைவை முன்னிட்டு அறிமுகமான இந்தத் திட்டம், நாட்டிலேயே முழுவதும் சைக்கிள் வசதி கொண்ட முதல் நகரம் என்ற பெருமையும் போபாலுக்குக் பெற்றுத்தந்திருக்கிறது.
Madhya Pradesh: Public Bicycle sharing system introduced in Bhopal. pic.twitter.com/OddGGW2pas — ANI (@ANI_news) July 9, 2017 முன்னதாக, கர்நாடக மாநிலத்தின் மைசூரில் வாடகை சைக்கிள் வழங்கும் திட்டத்தை அம்மாநில அரசு தொடங்கியது. அதற்கு ஆசியாவிலேயே முதல் வாடகை சைக்கிள் சேவை என்ற பெயரும் கிடைத்தது. அதனைப் பின்பற்றி மத்தியப் பிரதேச அரசும் இந்த சேவையைத் தொடங்கி பெரும் வெற்றி அடைந்துள்ளது.

சட்டிஸ்கர் மாநிலத்திலும் வாடகை சைக்கிள் வழங்கும் திட்டத்தை அம்மாநில அரசு நடைமுறைபடுத்தியுள்ளது.