புனேவில் டிஜிடல் விளம்பர போர்டில் ஒளிபரப்பான ஆபாச படங்கள்!!

புனே நகரில் திடீரென டிஜிடல் விளம்பர போர்டில் ஆபாச படங்கள் ஒளிபரப்பானதால் சாலையில் சென்று கொண்டிருந்தவர்கள் அதிர்ச்சி அடைந்தனர். மேலும், போக்குவரத்து நெரிசல் ஏற்பட்டு, விபத்து ஏற்படும் அபாயமும் ஏற்பட்டது.


இந்தியாவில் இதுபோன்ற சம்பவம் அடிக்கடி ஏற்பட்டு வருகிறது. கடந்தாண்டு கேரளா மாநிலத்தில் திடீரென டிஜிட்டல் போர்டில் ஆபாச புகைப்படங்கள் வெளியாகின. தற்போது புனேயில் உள்ள கார்வே சாலையில் நடந்துள்ளது.


இந்தப் படத்தை அந்த வழியே சென்ற ஒரு பெண் தனது செல்போனில் பதிவு செய்து, பின்னர் தனது டுவிட்டரில் வெளியிட்டதால் பரபரப்பு ஏற்பட்டது. ஆபாச இணையதளத்தின் பெயரும் அந்த டிஜிட்டலில் வெளியானதால் பலருக்கும் ஆச்சரியத்தை ஏற்படுத்தியது. அந்த வழியே சென்ற சில ஆண்கள் அந்த விளம்பர போர்டை பார்த்தவாறு வேடிக்கை பாத்துக் கொண்டு இருந்தனர். இதனால், போக்குவரத்து நெரிசல் ஏற்பட்டு, விபத்து ஏற்படும் அபாயம் ஏற்பட்டது.