வீடியோ: பிரிந்து போன சிறுத்தை குட்டிகள் தன் தாயுடன் இணையும் நெகிழ்ச்சி தருணங்கள்!

புனே: மனிதர்கள் வசிக்கும் பகுதிக்கு சிறுத்தை புகுந்து அட்டகாசம் செய்வது, அதனால் பொதுமக்கள் சிறுத்தையை அடித்தே கொன்றனர் போன்ற செய்திகளுக்கு மத்தியில் நெகிழ்ச்சியான சம்பவம் ஒன்று நடந்துள்ளது.

புனேவுக்கு அருகில் உள்ள கிராமம் ஒன்றில் தனது குட்டிகளை இழந்த சிறுத்தை ஒன்று மீண்டும் தன் குட்டிகளுடன் சேர்ந்துள்ள வீடியோ வெளியாகியுள்ளது. கிராமத்து பொதுமக்கள் தாயை பிரிந்த சிறுத்தை குட்டிகள் சில வனப்பகுதியில் இருப்பதை பார்த்து வனத்துறை அதிகாரிகளுக்கு தகவல் தெரிவித்துள்ளனர்.


வனத்துறை அதிகாரிகள் குட்டிகளை எடுத்து, வீடியோ கேமரா பதிவை ஆய்வு செய்து கடைசியாக சிறுத்தை காணப்பட்ட இடத்திற்கு அருகில் குட்டிகளை பெட்டியில் வைத்துள்ளனர். சில மணிநேரங்களுக்கு பின்பு அங்கு வந்த தாய் சிறுத்தை தன் குட்டிகளை எடுத்துச்செல்லும் வீடியோ எல்லோர் மனதையும் நெகிழ வைத்துள்ளது.
eunion of leopard with her cubs video goes viral