25 பரோட்டாவுக்கு ரூ.5,001 பரிசு: போட்டிக்கு நீங்க தயாரா?

கோவை: கோவை அருகே அன்னூர் எனும் பகுதியில் உள்ள ஒரு ஹோட்டலில் 25 பரோட்டா சாப்பிட்டால் ரோ.5,001 பரிசு வழங்கப்படும் என அறிவிக்கப்பட்டுள்ளது.

'பரோட்டா சூரி'யை போன்று நீங்களும் பரோட்டா சாப்பிடுவதில் கெட்டிக்காரர் என்றால் இந்த போட்டியில் கலந்துக் கொள்ளலாம். அன்னூர் கணேசபுரத்தில் உள்ள ஒரு ஹோட்டல் நிர்வாகம், 'வெண்ணிலா கபடிக்குழு' படத்தில் வரும் பரோட்டா காமெடியை போன்று இந்த போட்டியை அறிவித்துள்ளனர்.

விநாயகர் சதுர்த்தி ஸ்பெஷலாக அந்த ஹோட்டலில் வருகிற 5 மற்றும் 6 ஆம் தேதிகளில் மாலை 6 மணி முதல் இரவு 11 மணி வரை இந்த போட்டி நடத்தப்பட்டவுள்ளது. ஒரு நபர் 25 பரோட்டாவை சாப்பிட வேண்டும். முடியாவிட்டால் சாப்பிட்ட பரோட்டாவிற்கு பணம் செலுத்த வேண்டும் என்பது போட்டியின் விதிமுறை.

இந்த போட்டியில் பங்குபெற விரும்பும்வோர் நேரில் வந்து தங்களது பெயரை பதிவு செய்துக் கொள்ள வேண்டும் என ஹோட்டல் நிர்வாகம் அறிவித்துள்ளது. இது குறித்து ஹோட்டல் உரிமையாளர் கூறுகையில்,'வித்தியாசமான போட்டி நடத்த வேண்டும் என்று எண்ணியதால் இந்த போட்டி அறிவிக்கப்பட்டது. அறிவிப்பு வெளியிட்டு 4 நாட்களில் 2,000 பேர் மொபைல் போனில் தொடர்புக் கொண்டு விவரம் கேட்டறிந்தனர். சுமார் 200 பேர் நேரில் வந்து பெயரை பதிவு செய்துள்ளனர்' என கூறினார்.