தின்னு தின்னு கொழுத்துப் போன குரங்கு..!

தாய்லாந்தில் தொடர்ந்து நொறுக்குத் தீனிகளை அதிகளவு தின்று வந்த குரங்கு ஒன்று, உடல் பருமன் பிரச்சனையினால் அவதிப்பட்டு வருகிறது.

“அங்கிள் ஃபேட்” என பெயரிடப்பட்டுள்ள இந்த குண்டுக் குரங்கை, கடந்த மாதம் பாங்காங் நகர சாலைகளில் திரிந்து கொண்டிருந்த போது வனத்துறை அதிகாரிகள் பிடித்து வந்துள்ளனர்.

வழக்கத்துக்கு மாறாக 9 கிலோ வரை உடல் எடை கொண்டுள்ள ‘அங்கிள் ஃபேட்’ குரங்கிற்கு, தற்போது உடல் எடையை குறைக்க ஸ்பெஷல் உணவுகள் வழங்கப்பட்டு வருகின்றன. தற்போது மிகவும் மோசமான உடல் நிலையை கொண்டிருக்கும் அந்த குரங்கிற்கு, மாரடைப்பு மற்றும் நீரிழிவு நோய் வருவதற்கான வாய்ப்புகள் அதிகம் உள்ளதாக வனத்துறை அதிகாரிகள் கவலை தெரிவிக்கின்றனர்.



பாங்காங் நகரத்தில் குரங்குகள் சுற்றித் திரிவது சாதாரணமான விஷயம். பாங்காங் முக்கிய சுற்றுலாத்தளம் என்பதால் அங்கு வரும் சுற்றுலா பயணிகள் அளிக்கும் பாஸ்ட் புட் உணவுகளை இந்த குரங்குகள் அதிகளவில் உண்கின்றன. இதனால் இந்த நகரத்தில் உள்ள குரங்குகள் வழக்கத்திற்கு மாறாக அதிக உடல் எடையுடன் காணப்படுகின்றன.

Thailand's monkey on diet after gorging on junk food