Western Ghats: அழியும் நிலையில் 2400 உயிரினங்கள்! - இயற்கை பாதுகாப்பு அமைப்பு ஆய்வு

பன்னாட்டு இயற்கை பாதுகாப்பு அமைப்பு நடத்திய ஆய்வில், மேற்கு தொடர்ச்சி மலையில் மட்டும் 2436 உயிரினங்கள் அழியும் தருவாயில் இருப்பது தெரியவந்துள்ளது.

இதில் அதிகமாக தமிழகத்தில் உள்ள 1,104 உயிரினங்களும், கேரளாவில் 1094 உயிரினங்களும் அழியும் நிலையில் உள்ளதாக ஆய்வில் தெரிவித்துள்ளனர். இதற்கு உரிய நடவடிக்கை எடுக்க வேண்டும் என வன உயிரிகள் ஆர்வலர்கள் கோரிக்கை வித்துள்ளனர்.

மேற்கு தொடர்ச்சி மலைக்கு ஆபத்து?
தமிழகம், கேரளாவைப் பிரிக்கும் மேற்கு தொடர்ச்சி மலை UNESCO உலக பாரம்பரிய தளமாக அங்கீகரிக்கப்பட்டுள்ளது. ஆனால் அதை பொறுப்புடன் கவனித்துக் கொள்ளாமல் இருப்பது அரசின் பொறுப்பற்ற தனமாக உள்ளது.

அடுத்தடுத்து வனங்களை குறிவைத்து போடப்படும் திட்டங்கள் வனங்களுக்கு மட்டுமல்லாமல், வன உயிரினங்களின் அழிவிற்கு முக்கிய காரணமாக அமைந்துள்ளது.