இளம்வயதில் கஞ்சா அடித்தால் மூளை மழுங்கிப் போகுமாம்..!

டீன் ஏஜில் கஞ்சா புகைப்பவர்களுக்கு மூளையின் செயல்படும் திறன் குறைந்துவிடும் என ஆய்வு முடிவில் தெரியவந்துள்ளது.

இந்தியாவில் கஞ்சா தடைசெய்யப்பட்ட போதைப் பொருள் என்றாலும்,அமெரிக்காவின் சில மாகாணங்களில் கஞ்சாவை போல் போதையளிக்கும் ‘மரிஜுவானா’ என்ற பொருளை புகைக்க தடை கிடையாது.இதனால் அமெரிக்காவில் பல இளைஞர்கள் கஞ்சா போதைக்கு அடிமையாகி வருகின்றனர்.

இதனை கருத்தில் கொண்டு தனது 17 வயதுக்கு முன்னதாக மரிஜுவானா புகைக்கத் தொடங்கி,தற்போது வரை அந்த பழக்கத்தை தொடர்ந்து வரும் இளைஞர்,இளைஞிகளிடம் ஆய்வு ஒன்று எடுக்கப்பட்டது.இந்த ஆய்வு முடிவின் படி இளம் வயதில் கஞ்சா புகைக்கத் தொடங்கும் இளைஞர்களின் ஐ.கியூ திறன் குறைவதாகவும்,அவர்களின் நினைவாற்றல்,முடிவெடுக்கும் திறன் ஆகியவை கடுமையாக பாதிக்கப்படுவதாகவும் தெரியவந்துள்ளது.

மேலும் கஞ்சா புகைப்பதால் மன அழுத்தம் குறைவதாக கூறப்படுவதையும் இந்த ஆய்வு மறுத்துள்ளது. கஞ்சா புகைப்பது மனநிலையையும் பாதிக்கும் எனவும் தெரிவிக்கப்பட்டுள்ளது.

English Summary:

Individuals who use marijuana from a young age can have highly abnormal brain functioning and are also likely to be low on intelligence quotient (IQ) levels, a study has found.