பாதியாக எடை குறைந்த 500 கிலோ குண்டு பெண்மணி..!

500 கிலோ எடை கொண்டிருந்த ஏமான் அகமத் என்ற எகிப்திய பெண்மணிக்கு, இந்தியாவில் அளிக்கப்பட்ட சிகிச்சைகள் காரணமாக எடை பாதியாக குறைந்துள்ளது.

சுமார் 500 கி.கிராம் எடை கொண்டு எகிப்தைச் சேர்ந்த ஏமான் அகமது அப்த் அல் ஏதி என்ற அந்த பெண்மணி, அதிக உடல் எடை காரணமாக மிகவும் சிரமப்பட்டு வந்தார். உடல் எடை இதே நிலைமையில் நீடித்தால், உயிருக்கு கூட ஆபத்து ஏற்படலாம் என மருத்துவர்களும் எச்சரித்தனர்.

இதனைத் தொடர்ந்து எடை குறைப்பு சிகிச்சைக்காக, மும்பையிலுள்ள சைஃபி அவர் மருத்துவமனையில் அனுமதிக்கப்பட்டார். அவருக்கு அங்கு அளிக்கப்பட்ட தொடர் சிகிச்சைகள் காரணமாக, ஏமானின் உடல் எடை 250 கிலோவாக குறைக்கப்பட்டுள்ளது.

பிறக்கும் போது வெறும் 5 கி.கி மட்டுமே உடல் எடை கொண்டிருந்த ஏமானுக்கு, அரிய வகை நோய் ஒன்றினால் உடல் எடை அதிகரிக்கத் துவங்கியது. இதனால் கடந்த 25 ஆண்டுகளாக வெளியில் செல்லாமல்,வீட்டிலேயே அவர் முடங்கிக் கிடந்துள்ளார்.

தற்போது உடல் எடை பாதியாக குறைந்துள்ளதால், உலகின் அதிக உடல் எடை கொண்டுள்ள பெண்மணி என்ற பெயரும் ஏமானை விட்டு நீங்கியுள்ளது. பாதியாக உடல் எடை குறைந்துள்ள ஏமானின் உடல் பருமனை , மேலும் குறைப்பதற்கு அவருக்கு தொடர்ந்து மருந்துகள் அளிக்கப்பட உள்ளன.

Woman reduced her weight from 500 kg to 250 kg