சமையலில் அசத்தும் 106 வயது பாட்டி: யூ - டியூப்புக்கு இவர் தான் பெரிய தல!

ஐதராபாத்: சமையலில் அசத்தும் 106 வயது பாட்டி ஒருவர், யூ-டியூப் பக்கத்தின் மூத்த உறுப்பினராக திகழ்ந்து வருகிறது.

ஆந்திர மாநிலத்தைச் சேர்ந்த 106 வயது பாட்டி மஸ்தானம்மா. அவரின் அன்றாட செயலுக்கு வயது ஒரு தடையாக என்றுமே இருந்ததில்லை. நாள்தோறும் விதவிதமாக சமையல் செய்வதில் தான் மிகவும் மகிழ்ச்சி காண்கிறார்.

அதுமட்டும் பாட்டியை பிரபலமாக்கவில்லை. இணையத்தின் யூ- டியூப் பக்கத்தில் மஸ்தானம்மா என்று டைப் செய்தால், பாட்டியின் விதவிதமான சமையல் வீடியோக்களை காணலாம். அவர் யூ-டியூப் பக்கத்தின் உலகின் மிக மூத்த உறுப்பினராக செயல்பட்டு வருகிறார். அதுமட்டுமல்லாமல் அவருடைய யூ-டியூப் பக்கத்திற்கு 2,50,000 பேர் உறுப்பினர்களாக உள்ளனர்.

அதனை அவருடைய பேரன் லக்‌ஷ்மண் கவனித்து வருகிறார். இவரின் இணையப் பக்கத்தில் சுவையான ஏராளமான உணவுப் பொருட்கள் சமைப்பது குறித்து அறிந்து கொள்ளலாம். மீன் வருவல் முதல் சிக்கன் பிரியாணி வரை, மஸ்தானம்மாவின் கைவண்ணத்தில் அனைத்தும் மணத்துடன் சுவையைக் கூட்டுகிறது.

சமீபத்தில் தனது 106வது பிறந்த நாளைக் கொண்டாடிய மஸ்தானம்மா, தனது சமையல் ஆர்வம் குறித்தும், தனது குடும்பம் மற்றும் நண்பர்கள் மீதான அன்பு குறித்தும் விளக்கிக் கூறியுள்ளார். அதனை வீடியோவாக இணையத்தில் பதிவேற்றம் செய்துள்ளனர்.

The World's Oldest YouTuber Is A 106-Year-Old Woman From Andhra Who Is Famous For Her Cooking Videos.