தீபாவளி லேகியம் செய்வது எப்படி?

தீபாவளிக்கு அதிகப்படியான பலகாரங்களை சாப்பிடுவதால் பலருக்கு அஜீரணம் ஏற்பட வாய்ப்புண்டு.அதனை சரிசெய்ய தீபாவளி லேகியம் மிகவும் உதவியாக இருக்கும்.

தேவையான பொருட்கள்:

வெல்லம்- 350 கிராம்

ஓமம்- 50 கிராம்

சீரகம் - 25 கிராம்

கண்டங்கத்தரி - 50 கிராம்

நெய்- 50 கிராம்

கொத்தமல்லி - 25 கிராம்

சுக்கு- 25 கிராம்

மிளகு - 25 கிராம்

திப்பிலி - 50 கிராம்

ஏல அரிசி - 5 கிராம்

ஜாதிக்காய் - 5 கிராம்

தேன்- 2 டீஸ்பூன்

செய்முறை:

வெல்லத்தை நீரில் கரைத்து,அதனை வாணலியில் விட்டு வெல்லப்பாகு எடுக்க வேண்டும்.வெல்லப்பாகுடன் நெய்யையும் சேர்த்து மிதமான சூட்டில் கொதிக்க வைக்க வேண்டும்.ஜாதிக்காய் மற்றும் ஏல அரிசியைத் தவிர மற்ற அனைத்து பொருட்களையும் மிதமான சூட்டில் தனியாக வறுத்து எடுத்துக் கொள்ள வேண்டும்.

வறுத்த பொருட்களை அரைத்தோ அல்லது இடித்தோ பொடியாக்கிக் கொள்ள வேண்டும்.வெல்லப்பாகை கம்பிப்பதம் வரும் வரை கிளறி இறக்கிவிட்டு,ஏற்கனவே அரைத்து வைத்திருக்கும் பொடியை கலந்து கிளற வேண்டும்.இதன் பின்னர் ஜாதிக்காய் மற்றும் ஏல அரசி ஆகியவற்றை அரைத்து வெல்லப்பாகு கலவையின் மேல் தூவி விட வேண்டும்.சூடு ஆறியதும் கொஞ்சமாக தேன் சேர்த்துக் கொண்டால் தீபாவளி லேகியம் ரெடி.இதனை சிறு உருண்டை அளவுக்கு எடுத்து ஒவ்வொரு வேளையும் உட்கொண்டால்,தீபாவளி நேரத்தில் ஏற்படும் அஜீரணக்கோளாறுகள் சரியாகும்.

How to prepare Diwali Legiyam?