டிரம்பின் வெற்றிக்கு உதவிய இந்தியர்

அமெரிக்க அதிபர் தேர்தலில் குடியரசு கட்சியைச் சார்ந்த டொனால்டு டிரம்ப் வெற்றிக்கு இந்தியர் ஒருவர் பக்கபலாமாக இருந்துள்ளார்.

உலகமே உற்றுநோக்கிய அமெரிக்க அதிபர் தேர்தல் கடந்த 9-ம் தேதி நடைபெற்று தேர்தல் முடிவுகள் உடனடியாக வெளியிடப்பட்டனர். இந்த தேர்தலில் ஜனநாயக கட்சியின் அதிபர் வேட்பாளர் ஹிலாரி கிளிண்டனுக்கும் , குடியரசு கட்சியைச் சார்ந்த டொனால்டு டிரம்ப் கடுமையான போட்டி நிலவியது.இந்த போட்டியில் யாரும் எதிர்பார்க்காத வகையில் டிரம்ப் அமெரிக்க அரியனையை தன் வசமாக்கினார்.


ஊடகங்கள் முதல் சாதாரண மக்கள் வரை ஹிலாரி தான் வெற்றி பெறுவார் என்று நம்பிக்கொண்டிருந்த சூழ்நிலையில் 279 எலக்டோரல் காலேஜ் வாக்குகளை கைப்பற்றி அமெரிக்காவின் அடுத்த அதிபராக ஜனவரியில் பதவி ஏற்க்கவுள்ளார்.

டிரம்பின் வெற்றிக்கு பின்னால் அபினேஷ் இரகவரப்பு என்ற இந்தியர் மூளையாக செயல்பட்டுள்ளார். ட்ரம்பின் வெற்றியை எளிதாக்கிய முக்கிய மாகாணங்களில் ஒன்று அரிசோனா . இந்த மாகாணத்தின் ட்ரம்பின் பிரசார செயல்பாடுகளைத் திட்டமிட்டவர் அவினாஷ் . பல்வேறு செயல்திட்டங்களை தீட்டி அதன் மூலாமாக டிரம்பின் வெற்றியை அரிசேனா மாகாணத்தில் உறுதி செய்தார்.

ஆந்திரப் பிரதேசத்திலுள்ள ராஜமுந்திரியில் பிறந்த இவர் இரண்டு லக்னோ ஐ.ஐ.எம் பல்கலைக்கழகத்தில் எம்பிஏ படித்தார். பின்னர் தில்லியில் உள்ள ஹெச்.சி.எல் நிறுவனத்தில், தான் பார்த்து வந்த வேலையை விட்டுவிட்டு ஒய்.எஸ்.ஆர் காங்கிரஸ் தேர்தல் பிரசாரத்தில் செயலாற்றினார்.

கடந்த 2014ம் ஆண்டு விடுமுறையை கழிக்க தனது மனைவியுடன் அரிசோனா சென்ற அவினாஷ், அங்கு நடைபெறவிருந்த தேர்தலில் வேலை செய்ய முடிவு செய்தார். அதற்காக அங்கு ஆளுநர் வேட்பாளர் பட்டியலிலிருந்த டோக் டூஸி என்பவரை அணுகி அவரது வெற்றிக்கான ஆலோசனைகளை வழங்கி அவரை வெற்றி பெற வைத்தார். பின் அரிசோனா மாகாணத்தில் குடியரசு கட்சியின் நிர்வாக இயக்குனராக கடந்த ஆண்டு அவினாஷ் நியமிக்கப்பட்டார்.