Asian Games: 10 கிமீ ஓடி வெண்கலம் வென்ற தமிழக வீரரின் பதக்கம் பறிப்பு

ஆசிய விளையாட்டு போட்டியில் 10 கிலோ மீட்டர் ஓட்டப் பந்தயத்தில் தமிழக வீரர் 3வது இடம் பிடித்து வெண்கலப் பதக்கம் வென்றார். ஆனால் அவருக்கான தடத்தை விட்டு ஓடியதாக பதக்கம் பறிக்கப்பட்டுள்ளது.

ஆசிய விளையாட்டு 2018 போட்டிகள் இந்தோனேசியா தலைநகர் ஜகார்த்தாவில் உள்ள பால்ம்பேங் நகரில் நடக்கிறது.

இந்த போட்டியில் ஆண்களுக்கான 10000 மீட்டர் ஓட்டப்பந்தயம் நடைப்பெற்றது. இதில் தமிழகத்தின், புதுக்கோட்டையை சேர்ந்த கோவிந்தன் லக்‌ஷ்மணன் பங்கேற்றார்.
இதில் கோவிந்தன் லக்‌ஷ்மணன் மூன்றாவது இடம் பிடித்தார். இதனால் வெண்கலம் வென்றதாக மகிழ்ச்சி ஏற்பட்டது. ஆனால் சில நிமிடங்களுக்கு பின்னர் அவர் தடம் மாறி ஓடியதாக அவர் தகுதி நீக்கம் செய்யப்படுவதாக அறிவிக்கப்பட்டது.


இதனால் 4வது இடம் பிடித்த சீனாவின் ஜோ சாங்க்ஹாங் வெண்கலம் வென்றதாக அறிவிக்கப்பட்டுள்ளது.

இதையடுத்து கோவிந்தன் லக்‌ஷ்மணன் தகுதி நீக்கம் செய்யப்பட்டதற்கு எதிர்ப்பு தெரிவித்து இந்தியா தடகள சம்மேளனம் எதிர்ப்பு தெரிவித்து மேல் முறையீடு செய்துள்ளது.