Asian Games :ஈட்டி எறிதலில் புதிய சாதனையுடன் தங்கம் வென்றார் நீரஜ் சோப்ரா

ஆசிய விளையாட்டு போட்டி ஈட்டி எறிதலில் தங்கப் பதக்கம் வென்று சாதித்துள்ளார் இந்தியாவின் நீரஜ் சோப்ரா.

ஆசிய விளையாட்டு போட்டிகள் இந்தோனேசியா தலைநகர் ஜகார்தாவில் உள்ள பாலேம்பேங் நகரில் நடைப்பெற்று வருகின்றது.

இன்று நடைப் பெற்ற ஆண்களுக்கான ஈட்டி எறிதல் போட்டியில், இந்தியாவின் நீரஜ் சோப்ரா கலந்து கொண்டார். நீரஜ் சோப்ரா தன் முந்தைய சாதனையான 87 மீட்டர் தூரத்தை விட ஒரு மீட்டர் அதிக தூரம் 88.06 மீ எறிந்து தங்கப்பதக்கத்தை உறுதி செய்தாஅர்.

மொத்தம் 6 முறை எறிந்து அதில் சிறந்த தூரத்தை கணக்கில் எடுத்து கொள்ளப்படும். அந்த வகையில் அவர் எறிந்த 3வது ஈட்டி எறிதலில் 88.06 மீட்டர் தூரம் எறிந்து தங்கப்பதக்கத்தை உறுதி செய்தார்.

இதற்கு முன்னர் சர்வதேச தடகள போட்டியில் 87.43மீட்டர் தூரம் எறிந்ததே அவரின் சாதனையாக இருந்தது. இன்று 88.06 மீட்டர் தூரம் ஈட்டி எறிந்து புதிய சாதனைப் படைத்துள்ளார்.

இவர் அண்மையில் ஆஸ்திரேலியாவில் நடந்த காமன் வெல்த் விளையாட்டு போட்டியில் 86.47 மீட்டர் தூரம் எறிந்து தங்கம் வென்றிருந்தார்.