Asian Games : டென்னிஸ் ஒற்றையர் பிரிவில் சென்னை வீரர் பதக்கம் வென்று அசத்தல்

இந்தியாவுக்கு ஆசிய விளையாட்டு போட்டியில் டென்னிஸில் மேலும் ஒரு பதக்கம் கிடைத்துள்ளது.

இன்று நடந்த ஆசிய விளையாட்டு போட்டி, ஆடவர் டென்னிஸ் இரட்டையர் பிரிவில் இந்தியாவின் சென்னையை சேர்ந்த ரோகன் போபண்ணா – திவிஜ் சரண் ஜோடி தங்கம் பதக்கம் வென்று இந்தியாவை பெருமைப்படுத்தினர்.

இந்நிலையில் டென்னிஸ் போட்டியில் இந்தியாவுக்கு மேலும் ஒரு பதக்கம் கிடைத்துள்ளது.

இன்று நடந்த ஆடவர் ஒற்றையர் அரையிறுதிப் போட்டியில் இந்தியாவின் பிரஜ்னேஷ் கன்னேஸ்வரன், உஸ்பெகிஸ்தான் டெனிஸ் இஸ்டோமினை எதிர் கொண்டார்.

இந்த போட்டியில் 2-6,2-6 என்ற நேர்செட் கணக்கில் உஸ்பெகிஸ்தான் வீரர் வெற்றி பெற்று இறுதிப் போட்டிக்கு முன்னேறினார்.

இதனால் இந்திய வீரர் பிரஜ்னேஷ் கன்னேஸ்வரனுக்கு வெண்கலப் பதக்கம் மட்டுமே கிடைத்தது.
இதுவரை இந்தியா 6 தங்கம், 5 வெள்ளி, 14 வெண்கல பதக்கத்துடன் 8வது இடத்தில் உள்ளது.