ஆசிய விளையாட்டு: தமிழகம் 2வது இடம் பிடித்து சாதனை

ஆசிய விளையாட்டுப் போட்டிகளில் அதிக விளையாட்டுகளில் பதக்கம் வென்ற மாநிலங்களின் வரிசையில் இந்தியா இரண்டாவது இடத்தைப் பிடித்துள்ளது.

18வது ஆசிய விளையாட்டு போட்டிகள் இந்தோனேஷியா நாட்டின் ஜகர்தா மற்றும் பால்ம்பேங் நகரங்களில் ஆகஸ்டு 18 முதல் செப்டம்பர் 2 வரை நடைபெற்றது.

இதில் இந்தியா 15 தங்கம், 24 வெள்ளி மற்றும் 30 வெண்கலம் உட்பட 69 பதக்கங்களை வென்று சாதனை படைத்தது. இதில் 15 பதக்கங்களைப் பெற்றுத்தந்திருப்பது தமிழகத்தைச் சேர்ந்தவர்கள்தான்.

ஆசிய விளையாட்டு: பதக்கம் வென்ற தமிழக வீரர்கள்

இதன் மூலம் அதிக பதக்கங்களைப் பெற்றுத்தந்த மாநிலங்களின் வரிசையில் 3வது இடத்திலும் அதிக விளையாட்டுகளில் பதக்கம் வென்ற வகையில் 2வது இடத்திலும் தமிழ்நாடு உள்ளது.
மொத்தம் 21 மாநிலங்களைச் சேர்ந்தவர்கள் ஆசிய விளையாட்டுப் போட்டிகளில் இந்தியா சார்பில் பங்கேற்றுள்ளனர். இதில் பதக்கங்கள் எண்ணிக்கை அடிப்படையிலும் அதிக விளையாட்டுகளில் பதக்கம் வென்றதன் அடிப்படையிலும் ஹரியானா மாநிலமே முதல் இடத்தைப் பெற்றுள்ளது.

1982ஆம் ஆண்டை விட அதிக மாநிலங்களிலிருந்து வீரர்கள் பதக்கம் வென்றுள்ளனர். அந்த ஆண்டில் நடைபெற்ற ஆசிய விளையாட்டுப் போட்டிகளில் 13 தங்கம், 19 வெள்ளி மற்றும் 25 வெண்கலம் உட்பட 57 போட்டிகளுக்கான பதக்கங்களை 130 பேர் வென்றனர். 2018ல் குழு விளையாட்டுகளில் பெற்ற வெற்றிகள் மூலம் 69 விளையாட்டுகளுக்கான பதக்கங்களை 184 பேர் வென்றுள்ளனர்.