ஆசிய விளையாட்டில் கலக்கிய தமிழர்கள்; ரூ.20 லட்சம் பரிசுத் தொகை அறிவித்த முதல்வர்!

சென்னை: வெற்றி பெற்ற தமிழக வீரர்களுக்கு, முதலமைச்சர் பழனிசாமி பரிசுத் தொகை அறிவித்துள்ளார்.

இந்தோனேஷியாவில் 18வது ஆசிய விளையாட்டுப் போட்டிகள் நடைபெற்று வருகின்றன. இதில் பங்கேற்றுள்ள இந்திய அணி 11 தங்கம், 20 வெள்ளி, 23 வெண்கலம் என 54 பதக்கங்களுடன் 9வது இடத்தில் இருக்கிறது.

நேற்று நடைபெற்ற டேபிள் டென்னிஸ் ஆடவர் குழு போட்டியில் தமிழக வீரர்கள் சரத் கமல், அமல்ராஜ், சத்தியன் உட்பட 5 பேர் கொண்ட இந்திய அணி வெண்கலப் பதக்கம் வென்றுள்ளது.

இவர்களை ஊக்கப்படுத்தும் வகையில் 3 தமிழக வீரர்களுக்கும் தலா ரூ.20 லட்சம் பரிசுத் தொகை வழங்கப்படும் என்று முதலமைச்சர் பழனிசாமி அறிவித்துள்ளார்.

மேலும் மூவருக்கும் தனித்தனியே வாழ்த்துக் கடிதங்களையும் முதலமைச்சர் பழனிசாமி அனுப்பியுள்ளார்.

Tamilnadu CM Palaniswami announces incentive for Asian Games winners.