ஆசிய விளையாட்டு: மகளிர் ஹாக்கி கேப்டனுக்கு கௌரவம்

ஆசிய விளையட்டுப் போட்டிகள் நிறைவு விழாவில் இந்திய அணியின் கொடியை பெண்கள் ஹாக்கி அணியின் கேப்டன் ராணி ராம்பால் ஏந்திச் செல்வார் என அறிவிக்கப்பட்டுள்ளது.

18வது ஆசிய விளையாட்டு போட்டிகள் இந்தோனேஷியா நாட்டின் ஜகர்தா மற்றும் பால்ம்பேங் நகரங்களில் ஆகஸ்டு 18 முதல் செப்டம்பர் 2 வரை நடைபெறுகிறது.

நாளையுடன் இப்போட்டி முடியும் நிலையில் நிறைவு விழா அணிவகுப்பில் இந்தியக் கொடியை ஏந்திச் செல்லும் பெருமையை பெண்கள் ஹாக்கி அணியின் கேப்டன் ராணி ராம்பால் பெற்றிருக்கிறார்.

இந்த ஆசிய விளையாட்டுப் போட்டியில் இதுவரை இந்திய வீரர் வீராங்கனைகள் மொத்தம் 69 பதக்கங்களை வென்றுள்ளனர். 15 தங்கம், 24 வெள்ளி, 30 தங்கம் ஆகியவை இதில் அடங்கும்.