லார்ட்ஸ் மைதானத்தின் படுமோசமான வரலாறு தெரியுமா? .. சமாளிப்பது யார் மார்கனா? வில்லியம்சனா?

இங்கிலாந்தில் நடக்கும் 50 ஓவர் உலகக்கோப்பை கிரிக்கெட் தொடர் நாளைய ஃபைனல் போட்டியுடன் முடிவுக்கு வருகிறது. இதில் இங்கிலாந்து, நியூசிலாந்து அணிகள் மோதுகின்றன. இரு அணிகளில் எந்த அணி வெற்றி பெற்றாலும், முதல் முறையாக கோப்பை வென்று சாதிக்கும்.

மோசமான ராசி:
இந்நிலையில் ஃபைனல் நடக்கும் லார்ட்ஸ் மைதானத்தில் ‘டாஸில்’ மோசமான ராசி ஒன்று உள்ளது. இதனால் நாளை ‘டாஸ்’ வெல்லும் கேப்டன் முதலில் ‘பேட்டிங்’ அல்லது ‘பீல்டிங்’ இரண்டில் எதை தேர்வு செய்ய வேண்டும் என பார்க்கலாம்.

இது வரலாறு:
இதுவரை உலகக்கோப்பை கிரிக்கெட் தொடரில் நடந்துள்ள லீக் போட்டிகளில் ‘டாஸ்’ மிக முக்கியபங்கு வகித்ததை பார்க்க முடிந்தது. ஆனால், லார்ட்ஸ் மைதனத்தின் கதையே வேறாக உள்ளது.

ஃபைனல் சோகம்:
கடந்த 1975 ஆண்டு முதல் லண்டன் லார்ட்ஸ் மைதானத்தில், இந்த உலகக்கோப்பை ஃபைனல் உட்பட அதிகபட்சமாக 5 முறை ஃபைனல் போட்டி நடக்கவுள்ளது. முன்னதாக நடந்த 4 ஃபைனல் போட்டிகளில் 3 முறை முதலில் ‘பேட்டிங்’ செய்த அணிகள் வென்றுள்ளது.


அதே நேரம் 4 ஃபைனல்களில் ‘டாஸ்’ வென்ற அணி 4 முறையும் தோல்வியை சந்தித்துள்ளது. நாளையும் இந்த மோசமான ராசி தொடருமா என காத்திருந்து தான் பார்க்க வேண்டும்.