ஜாம்பவான் விவ் ரிச்சர்ட்சுக்கு திடீர் உடல் நலக்குறைவு : மருத்துவமனையில் அனுமதி!

வெஸ்ட் இண்டீஸ் சென்றுள்ள இந்திய அணி 2 போட்டிகள் கொண்ட டெஸ்ட் தொடரில் பங்கேற்கிறது. இதன் முதல் டெஸ்ட் போட்டி, ஆண்டிகுவாவில் நடந்தது. இதில் இந்திய அணி 318 ரன்கள் வித்தியாசத்தில் இமாலய வெற்றி பெற்றது.

இன்று துவக்கம்:
இரு அணிகள் மோதும் இரண்டாவது டெஸ்ட் போட்டி ஜமைக்காவில் இன்று துவங்குகிறது. இதில் ‘டாஸ்’ வென்ற வெஸ்ட் இண்டீஸ் அணி கேப்டன் ஜேசன் ஹோல்டர் முதலில் ‘பீல்டிங்’ தேர்வு செய்தார்.

திடீர் உடல் நலக்குறைவு:
இதற்கிடையில் தனியார் தொலைக்காட்சி நடத்தும் போட்டிக்கு முந்தைய மற்றும் பிந்தைய ஷோவில் வெஸ்ட் இண்டீஸ் ஜாம்பவான் விவ் ரிச்சர்ட்ஸ் பங்கேற்று நேரலையில் பேசிக்கொண்டிருந்தார். அப்போது திடீரென அவருக்கு உடல் நலக்குறைவு ஏற்பட்டது.


மருத்துவமனையில் அனுமதி
இதையடுத்து ஸ்டெர்ச்சர் மூலம் விவ் ரிச்சர்ட்ஸ் உடனடியாக அருகில் உள்ள மருத்துவமனைக்கி அழைத்துச் செல்லப்பட்டார். தற்போது அவருக்கு அங்கு சிகிச்சை அளிக்கப்பட்டு வருகிறது.

காரணம் என்ன?
விவ் ரிச்சர்ட்ஸுக்கு திடீரென உடல்நலக்குறைவு ஏற்பட்டதற்கு, அதிகமான வெப்பத்தால் உடலில் ஏற்பட்ட நீர்வறட்சி தான் காரணம் என்றும் தற்போது விரைவில் குணமடைந்து திரும்புவார் என தெரிகிறது.