IPL 2021: சிஎஸ்கேவில் இணையும் மேக்ஸ்வெல், ஸ்மித்?

ஐபிஎல் தொடரானது ஏப்ரல் இறுதி அல்லது மே மாத முதல் வாரத்தில் துவங்கும் என பிசிசிஐ தெரிவித்துள்ளது. இதற்கான மினி ஏலம் வருகிற பிப்ரவரி 18ஆம் தேதி நடைபெறும் எனக் கூறப்படுகிறது. இந்நிலையில் அணிகள் தங்களுக்குத் தேவையில்லாத வீரர்களை டிசம்பர் 20ஆம் தேதி விடுவித்தனர். சென்னை சூப்பர் கிங்ஸ் அணியிலிருந்து ஹர்பஜன் சிங், கேதர் ஜாதவ், பியூஷ் சாவ்லா, முரளி விஜய் ஆகியோர் வெளியேற்றப்பட்டார்கள். இதனால் அணிக்கு 22 கோடி மிச்சமானது.

இதனைக் கொண்டு தரமான வீரர்களை அணிக்குள் இழுப்பார்கள் எனக் கருதப்பட்ட நிலையில் தற்போது முதலாவதாக ரோபின் உத்தப்பாவை வாங்கியுள்ளனர். 2020ஆம் ஆண்டில் 3 கோடிக்கு இவரை ராஜஸ்தான் ராயல்ஸ் அணி நிர்வாகம் ஏலத்தில் எடுத்தது. அதே தொகைக்கு தற்போது சென்னை அணிக்கு இடமாறியுள்ளார். மீதமுள்ள தொகையை கொண்டு யார் யாரை ஏலத்தில் எடுக்க அதிக வாய்ப்புள்ளது என்பதை கிரிக்கெட் விமர்சகர்கள் கணித்துள்ளனர். அதுகுறித்து பார்ப்போம்.

கங்காரு வடிவிலான கேக்கை கட் செய்ய மறுத்த ரஹானே!
கிளென் மேக்ஸ்வெல்:

32 வயதாகும் அதிரடி ஆட்டக்காரர் மேக்ஸ்வல், ஐபிஎல் 13ஆவது சீசனில் கிங்ஸ் லெவன் பஞ்சாப் அணிக்காக 13 போட்டிகளில் களமிறங்கி 108 ரன்கள் மட்டுமே எடுத்தார். ஆனால், இந்திய அணி ஆஸ்திரேலியா சென்று ஒருநாள் தொடரில் பங்கேற்றபோது 3 போட்டிகளில் 194 ஸ்ட்ரைக் ரேட்டுடன் 167 ரன்கள் குவித்தார். இவர் தற்போது பஞ்சாப் அணியிலிருந்து விடுவிக்கப்பட்டுள்ளார். இவரைச் சென்னை சூப்பர் கிங்ஸ் அணி வாங்குவதற்கு முன்னுரிமை கொடுக்கும் எனக் கருதப்படுகிறது.

ஸ்டீவன் ஸ்மித்:

கடந்த சீசனில் ராஜஸ்தான் ராயல்ஸ் அணி கேப்டனாக இருந்த ஸ்டீவன் ஸ்மித் முதல் சில போட்டிகளில் சிறப்பான பங்களிப்பை வழங்கினார். ஆனால், கடைசிக் கட்டத்தில் அணி நிர்வாகத்தைத் திருப்திப் படுத்தும் வகையில் செயல்படவில்லை. இதனால், இவர் அணியிலிருந்து விடுவிக்கப்பட்டுள்ளார். இந்திய அணி ஆஸி சென்றபோது தொடர்ந்து இரண்டு ஒருநாள் போட்டிகளில் 62 பந்துகளில் சதம் அடித்திருந்தார். இதுவரை 95 டி20 போட்டிகளில் பங்கேற்று 35 சராசரியுடன் 2400 ரன்களை குவித்துள்ளார். இதனால், ஏலத்தில் ஸ்மித்தை எடுக்க சிஎஸ்கே தீவிரமாகச் செயல்பட வாய்ப்புள்ளது.

சின்னத்திரையில் இன்றைய (ஜனவரி 23) திரைப்படங்கள்!
டேவிட் மாலன்:

32 வயதாகும் இங்கிலாந்து அணியின் முதல் வரிசை பேட்ஸ்மேன் டேவிட் மாலன், அதிரடி ஆட்டத்திற்குப் பேர் போனவர். இதுவரை 221 டி20 போட்டிகளில் பங்கேற்று 130 ஸ்ட்ரைக் ரேட்டுடன் 6,000 ரன்களை குவித்துள்ளார். இதில் 5 சதம், 35 அரை சதமும் அடங்கும். ஷேன் வாட்சன் இடத்தை மாலன் மூலம் பூர்த்தி செய்ய சிஎஸ்கே விரும்பும் என கிரிக்கெட் விமர்சகர்கள் கருதுகின்றனர்.