Harbhajan Singh Tamil Tweet: எங்க போனாலும் எங்களோட தர்பார் தான் - அப்டேட்டட் டுவிட் போட்ட ஹர்பஜன்

ராஜஸ்தான் அணிக்கு எதிரான போட்டியில், கடைசி பந்தில் சிக்ஸர் அடித்து சென்னை அணி த்ரில் வெற்றி பெற்றது. இது குறித்து ஹர்பஜன் சிங் தமிழில் டுவிட் செய்துள்ளார்.

ஐபிஎல் 2019 தொடரில் 25வது ஆட்டத்தில் ராஜஸ்தான் அணியை அதன் சொந்த மண்ணான ஜெய்பூரில் சென்னை அணி எதிர்கொண்டது. இதில் முதலில் ஆடிய ராஜஸ்தான் 151 ரன்கள் சேர்த்தது.

தொடர்ந்து விளையாடிய சென்னை அணிக்கு தொடக்க 3 வீரர்கள் அடுத்தடுத்து விக்கெட்டை பறிகொடுத்தனர். அடுத்து வந்த ஜாதவும் 1 ரன்னில் விக்கெட்டை இழந்தார்.

இந்நிலையில் ராயுடு, தோனியின் சிறப்பான பொறுப்பான ஆட்டத்தால் இருவரும் அரைசதம் அடிக்கவே, கடைசி பந்தில் சாண்ட்னர் சிக்ஸர் அடிக்க சென்னை அணி த்ரில் வெற்றி பெற்றது. இதுவரை சென்னை அணி விளையாடிய 7 போட்டிகளில் 6 போட்டிகளில் வெற்றி பெற்று புள்ளிப்பட்டியலில் முதலிடத்தில் உள்ளது.

ஹர்பஜன் டுவிட்:
சென்னை அணியின் த்ரில் வெற்றி குறித்து ஹர்பஜன் சிங் தமிழில் டுவிட் செய்துள்ளார்.

அதில், “நாங்க வந்தது வேணும்னா ஜெய்பூரா @rajasthanroyals இருக்கலாம்,ஆனா அங்கேயும் @IPL ல எங்களோட #தர்பார் தான்.ஏற்றிவிட்ட ஏணிய நாங்க மறந்ததுமில்ல,
@ChennaiIPL தூள் கிளப்பாத இடமுமில்ல.களத்துல மட்டும் தான் நாங்க மொறப்போம்,நண்பா கொஞ்சம் வெளியில வந்துப்பாருங்க வெல்லந்தியா சிரிப்போம்.” என பதிவிட்டுள்ளார்.


இம்ரான் தாகிர் டுவிட்:

ஹர்பஜனை போல இம்ரான் தாகிர், “போடா நம்மல படச்ச அந்த ஆண்டவனே நம்ம சென்னை பக்கம் தான். எடுடா வண்டிய போடுடா விசில” என டுவிட் செய்துள்ளார்.