IPL 2023: 'மேக்ஸ்வெல் இல்லை?'...மாற்றாக டிவிலியர்ஸ், கெய்ல் களமிறங்க வாய்ப்பா? கெய்ல் அளித்த 'ஹேப்பி' பதில்!

ஐபிஎல் 16ஆவது சீசன் வரும் மார்ச் 31ஆம் தேதிமுதல் துவங்கி நடைபெறவுள்ளது.

உலகம் முழுவதும் இருந்து, சிறந்த வீரர்கள் இத்தொடரில் பங்கேற்க உள்ளதால், இத்தொடர் உலக அளவில் பெரிய கவனம் பெற்றுள்ளது. இந்நிலையில், கோப்பை வெல்ல அனைத்து அணிகளும் தற்போது தீவிர வலைப்பயிற்சியில் ஈடுபட்டு வருகின்றன.

அப்படி பயிற்சி செய்யும் வீடியோக்களை, அணி நிர்வாகங்கள் சமூக வலைத்தளங்களில் வெளியிடுவது வழக்கம். மேலும், அவ்வபோது வீரர்களின் பேட்டியையும் அந்த அணி நிர்வாகங்கள் வெளியிட்டு வருகிறது.

ஆர்சிபி:

இந்நிலையில், ஆர்சிபி அணிக்காக பல ஆண்டுகளாக விளையாடிய கிறிஸ் கெய்ல், ஏபி டிவிலியர்ஸ் ஆகியோரின் பேட்டிகளை அந்த அணி நிர்வாகம் சமூக வலைத்தளங்களில் வெளியிட்டுள்ளது.

அந்த பேட்டியில், மீண்டும் அணிக்கு திரும்ப விரும்புகிறீர்களா என இரண்டு பேரிடமும் கேள்வி எழுப்பப்பட்டது. அதற்கு பதிலளித்த டிவிலியர்ஸ், ''ஆம், நிச்சயமாக. நான் விளையாட விரும்புகிறேன். இப்போதே தயாராகாத்தான் இருக்கிறேன்'' எனக் கூறினார்.

இதனைத் தொடர்ந்து டிவிலியர்ஸிடம் கேட்டபோது, ''தற்போது ஆர்சிபி அணியில் இருக்கும் அனைவரும் சிறந்தவர்களாக இருக்கிறார்கள். அணியின் காம்பினேஷன் சிறப்பாக இருக்கிறது. ஆகையால், ஒரு ரசிகராக இருந்து, அணிக்கு ஆதரவு தர விரும்புகிறேன்'' எனத் தெரிவித்தார். இதனைத் தொடர்ந்து ஆர்சிபியின் கோசமாக, ''ஈ சாலா கப் நம்தே'' என முழுக்கமிட்டார்.

ஆர்சிபி அணியில் இடம்பெற்றுள்ள ஹேசில்வுட், மேக்ஸ்வெல் இருவரும் காயம் காரணமாக, போட்டிகளில் பங்கேற்பது இன்னமும் உறுதியாகவில்லை என்பது குறிப்பிடத்தக்கது.

டி விலியர்ஸ்:

ஏபி டிவிலியர்ஸ் 2008 முதல் 2010ஆம் ஆண்டுவரை டெல்லி டேர்டவெல்ஸ் அணிக்காக விளையாடினார். அடுத்து, 2011ஆம் ஆண்டு முதல் 2021 வரை ஆர்சிபி அணிக்காகத்தான் இவர் விளையாடினார். இவர் 184 போட்டிகளில் 3 சதம், 40 அரை சதம் உட்பட 5162 ரன்களை குவித்து அசத்தினார். ஐபிஎலில் இதுதான் 5ஆவது பெரிய ஸ்கோர் ஆகும். 413 பவுண்டரி, 251 சிக்ஸர்களையும் விளாசியிருக்கிறார்.