GT vs SRH: 'நான் இவர்களுக்கு மட்டும்தான் கேப்டன்'...அவர்களுக்கு கிடையாது: பிளே ஆப் குறித்து ஹார்திக் பளிச்!

ஐபிஎல் 16ஆவது சீசன் 62ஆவது லீக் போட்டியில் குஜராத் டைடன்ஸ், சன் ரைசர்ஸ் ஹைதராபாத் ஆகிய அணிகள் மோதின. அகமதாபாத்தில் துவங்கி நடைபெற்ற இப்போட்டியில் டாஸ் வென்ற சன் ரைசர்ஸ் அணி முதலில் பந்துவீச்சைத் தேர்வு செய்தது.

குஜராத் இன்னிங்ஸ்:

முதலில் களமிறங்கிய குஜராத் டைடன்ஸ் அணியில் ஓபனர் ஷுப்மன் கில் 58 பந்துகளில் 13 பவுண்டரி, ஒரு சிக்ஸர் உட்பட 101 ரன்களை குவித்து பிரமிக்க வைத்தார். குஜராத் அணிக்கு இதுதான் முதல் சதமாகும். இதனைத் தொடர்ந்து சாய் சுதர்ஷன் 47 (36) ரன்களை அடித்தார். மற்ற அனைவரும் ஒற்றை இலக்க ரன்களை மட்டும்தான் சேர்த்தனர்.

இதனால், குஜராத் அணி 20 ஓவர்களில் 188/9 ரன்களை எடுத்தது. புவனேஷ்வர் குமார் 5/30 விக்கெட்களை கைப்பற்றினார்.

சன் ரைசர்ஸ் இன்னிங்ஸ்:

இலக்கை துரத்திக் களமிறங்கிய சன் ரைசர்ஸ் ஹைதராபாத் அணியில் ஹென்ட்ரி கிளாசின் 64 (44) மட்டுமே பெரிய ஸ்கோர் அடித்தார். இறுதிக் கட்டத்தில் புவனேஷ்வர் குமார் 27 (26), மயங்க் மார்கண்டே 18 (9) ஆகியோரும் அதிரடி காட்டினார்கள். இருப்பினும், சன் ரைசர்ஸ் அணியால் வெற்றிபெற முடியவில்லை. 20 ஓவர்களில் 154/9 ரன்களை மட்டும் சேர்த்து, 34 ரன்கள் வித்தியாசத்தில் வெற்றியைப் பெற்றது.

முகமது ஷமி 4/20, மோஹித் ஷர்மா 4/28 ஆகியோர் தலா நான்கு விக்கெட்களை கைப்பற்றி அசத்தினார்கள்.

பிளே ஆப்புக்கு தகுதி:

இப்போட்டியில் வெற்றியைப் பெற்றதன் மூலம், குஜராத் டைடன்ஸ் அணி 13 போட்டிகளில் 18 புள்ளிகளை பெற்று, பிளே ஆப் வாய்ப்பை உறுதி செய்துள்ளது.

ஹார்திக் பாண்டியா பளிச்:

இப்போட்டியில் வென்றப் பிறகு பேசிய ஹார்திக் பாண்டியா, ''தொடர்ந்து 2ஆவது முறையும் பிளே ஆப் சுற்றுக்கு முன்னேறியதில் மகிழ்ச்சி. குஜராத் அணி வீரர்கள் சவால்களை சிறப்பாக சமாளித்து வெற்றியைப் பெறுகிறார்கள். நாங்கள் பிளே ஆப் செல்ல தகுதியானவர்கள்தான். முன்பு செய்த தவறுகளை நாங்கள் இருப்போது திருத்திக் கொண்டோம். பௌலர்களுக்குத்தான் நான் எப்போதும் முக்கியத்துவம் கொடுப்பேன். நான் பௌலர்களுக்கான கேப்டன்'' எனத் தெரிவித்தார்.