ஆப்நகரம்

ஹர்திக் பாண்டியா சகோதரர் அதிரடி கைது: காரணம் இதுதான்.. ஹர்திக்கை ஏமாற்றியதால்.. போலிஸ் நடவடிக்கை!

ஹர்திக் பாண்டியாவின் சகோதரர், பண மோசடி புகார் காரணமாக கைது செய்யப்பட்டுள்ளார்.

Authored byமதுரை சமயன் | Samayam Tamil 11 Apr 2024, 11:42 am
பணி மோசடி புகார் காரணமாக, ஹர்திக் பாண்டியாவின் சகோதரர் கைது செய்யப்பட்டுள்ளார்.
Samayam Tamil hardik pandyas brother arrested for fraud and money misplacement
ஹர்திக் பாண்டியா சகோதரர் அதிரடி கைது: காரணம் இதுதான்.. ஹர்திக்கை ஏமாற்றியதால்.. போலிஸ் நடவடிக்கை!


ஐபிஎலில்:

நடப்பு ஐபிஎல் தொடரில் மும்பை இந்தியன்ஸ் அணிக்காக ஹர்திக் பாண்டியாவும், லக்னோ சூப்பர் ஜெய்ண்ட்ஸ் அணிக்காக க்ருனால் பாண்டியாவும் விளையாடி வருகிறார்கள்.

தனியாக தொழில்:

கிரிக்கெட்டில் அபாரமாக விளையாடி வரும் ஹர்திக் பாண்டியா, க்ருனால் பாண்டியா ஆகியோர், தனியாக தொழிலும் செய்து வருகிறார்கள். அந்த தொழலில்தான், தற்போது பெரிய பிரச்சினை ஏற்பட்டுள்ளது.

சீட்டிங்:

2021-ல் போலிமர் என்ற நிறுவனத்தை துவங்கினர். இதில், ஹர்திக் பாண்டியா 40 சதவீத முதலீடும், க்ருனால் பாண்டியா 40 சதவீத முதலீடும் செய்துள்ளனர். மேலும், இவர்களின் சித்தி பையன் வைபவ் பாண்டியாவும் 20 சதவீதம் முதலீடு செய்துள்ளார்.

4.30 கோடி கையாடல்:

ஹர்திக்கும், க்ருனாலும் கிரிக்கெட்டில் பிசியாக இருப்பதால், இந்த நிறுவனத்தை வைபவ் பாண்டியாதான், பொறுப்பு ஏற்று கவனித்து வருகிறார். இந்நிலையில், அவர் 4.30 கோடியை கையாடல் செய்துவிட்டதாக ஹர்திக், க்ருனால் இருவரும் மும்பை காவல் நிலையத்தில் புகார் அளித்தனர்.

00r (6).

ஹர்திக்கும், க்ருனாலும் புகாரை வாபஸ் வாங்க மறுத்துவிட்ட நிலையில், இவர்களின் சித்தி பையனான வைபவ் பாண்டியாவை, தற்போது மும்பை காவல்துறையினர் கைது செய்துள்ளனர்.

கையாடல் செய்த பணத்தில்:

பணத்தை கொள்ளையடித்தது மட்டுமில்லாமல், நிறுவனத்தின் ரகசிய திட்டங்களை தெரிந்துகொண்டு, கையாடல் செய்த பணத்தில் இதேபோல் மற்றொரு நிறுவனத்தை துவங்கி, முன்பு துவங்கிய நிறுவனத்தின் வாடிக்கையாளர்களை முழுவதுமாக ஈர்த்து, பெரிய நஷ்டத்தையும் ஏற்படுத்தியதால்தான், ஹர்திக்கும், க்ருனாலும் புகார் அளித்திருப்பதாக தகவல் வெளியாகி உள்ளது.

நஷ்ட ஈடு:

நிறுவனத்தில் கையாடலில் ஈடுபட்டது, ஒப்பந்த விதிமுறையை மீறி மற்றொரு நிறுவனத்தை துவங்கி, தங்களது நிறுவனத்திற்கு பெரிய அளவில் நஷ்டத்தை ஏற்படுத்தியது போன்றவை காரணத்தினால், 50 கோடிக்கு மேல் நஷ்ட ஈடு கேட்க உள்ளதாகவும் தகவல் வெளியாகி உள்ளது.

மும்பை அணியில்:

மும்பை இந்தியன்ஸ் அணிக்கு கேப்டனாக பொறுப்பேற்றப் பிறகு, ஹர்திக் பாண்டியா பல்வேறு பிரச்சினைகளை எதிர்கொண்டு வரும் நிலையில், தொழிலிலும் அவருக்கு பெரிய பிரச்சினை ஏற்பட்டுள்ளது. இது ஹர்த்திகிற்கு, சோதனையான காலமாகவே இருக்கிறது.

எழுத்தாளர் பற்றி
மதுரை சமயன்
நான் மதுரை சமயன். பத்திரிகை துறையில் உள்ள ஆர்வத்தால், கடந்த 3 வருடங்களாக பணிபுரிந்து வருகிறேன். விளையாட்டு செய்திகளை, அரசியல் செய்திகளை எழுதுவதில் ஆர்வம். உடனுக்குடன் செய்திகளை கொண்டு சேர்க்க வேண்டும் என்பதில் தனி ஆர்வம் உண்டு. தற்போது, Times Of India சமயம் தமிழில் Digital Content Producerஆக பணிபுரிகிறேன்.... மேலும் படிக்க

அடுத்த செய்தி

டிரெண்டிங்