டாஸ் வென்ற ஹைதராபாத் பீல்டிங் தேர்வு : 50ஆவது வெற்றியை நோக்கிக் கோலி படையெடுப்பு!

இப்போட்டியில் பெங்களூரு அணி வெற்றிபெறும் பட்சத்தில், விராட் கோலி தலைமையில் 50ஆவது வெற்றியைப் பதிவு செய்யும். இதனால், இப்போட்டி ரசிகர்கள் மத்தியில் மிகுந்த எதிர்பார்ப்பை ஏற்படுத்தியுள்ளது.

போட்டி நடைபெறவுள்ள துபாய் மைதானத்தில் கடந்த 10 வருடங்களில் 61 டி20 போட்டிகள் நடைபெற்றுள்ளது. முதலில் களமிறங்கிய அணி 34 முறை வெற்றிபெற்றுள்ளது. முதல் இன்னிங்ஸ் ஸ்கோர் 144ஆகவும், இரண்டாவது இன்னிங்ஸ் ஸ்கோர் 122ஆகவும் உள்ள நிலையில், மைதானம் சுழலுக்குச் சாதகமாக இருக்கும் என்று கணிக்கப்பட்டுள்ளது.

பெங்களூரு அணியில் சஹல், மொயின் அலி தயார் நிலையில் உள்ளனர். அதேபோல், ஹைதராபாத் அணியில் ரஷித் கான், முகமது நபி இடம்பெற்றுள்ளனர்.

பெங்களூரு vs ஹைதராபாத்: கோலியை மிரட்டக் காத்திருக்கும் ரஷித் கான்!

பேட்டிங் பொறுத்தவரை, பெங்களூரு அணியில் விராட் கோலி, டிவிலியர்ஸ், ஆரோன் ஃபிஞ்ச் வானவேடிக்கை காட்ட ரெடியாக உள்ளனர். ஹைதராபாத் அணியில் டேவிட் வார்னர், வில்லியம்சன், ஜானி பேர்ஸ்டோ ஆகியோர் பேட்டிங்கில் மிரட்டுவார்கள் என்று கிரிக்கெட் விமர்சகர்கள் கருதுகிறார்கள்.