Ambati Rayudu: 3டி கிளாஸ் ராயுடு, விஜய் சங்கருக்கு பக்காவா பொருந்தும் 10 பொருத்தம்- ஒரே ரன், சராசரி...

ஐபிஎல் 2019 தொடர் முக்கிய கட்டத்தை நெருங்கியுள்ளது. லீக் சுற்று முடிந்து இன்று முதல் ப்ளே ஆஃப் சுற்று போட்டிகள் தொடங்குகின்றது.

இந்தியாவின் கிரிக்கெட் திருவிழாவான ஐபிஎல் தொடரின் 12வது சீசன் மார்ச் 23ம் தேதி தொடங்கி மே 12ம் தேதி வரை நடைப்பெறுகிறது.

லீக் சுற்று முடிந்து மும்பை, சென்னை, டெல்லி, ஐதராபாத் ஆகிய 4 அணிகள் ப்ளே ஆஃப் சுற்றுக்கு முன்னேறியுள்ளன. இன்று முதல் தகுதிப்போட்டியில் சென்னை அணி மும்பையை எதிர்கொள்கிறது.

ராயுடு - விஜய் சங்கர் ஒரே மாதிரி:
உலகக் கோப்பை தொடருக்கான இந்திய அணி சில வாரங்களுக்கு ம் உன்னர் அறிவிக்கப்பட்டது. அதில் இளம் வீரர் விஜய் சங்கர் இடம்பெற்றார். இதில் பெரிதும் எதிர்பார்க்கப்பட்ட அம்பதி ராயுடு பெயர் இடம்பெறவில்லை.
ஆல்ரவுண்டர் விஜய் சங்கர் பேட்டிங், பவுலிங், பீல்டிங் என அசத்துவதால் அடிப்படையில் அவருக்கு வாய்ப்பு வழங்கப்பட்டது என பிசிசிஐ தெரிவித்தது.

ராயுடு பதிலடி:
அணி தேர்வுக்கு பின்னர் ராயுடு, “நான் உலகக்கோப்பையை பார்க்க தற்போது புது செட் 3டி கண்ணாடிகளை ஆர்டர் செய்துள்ளேன்.’ என குறிப்பிட்டுள்ளார். இதைப்பார்த்த முன்னாள் கிரிக்கெட் வீரர்கள் உட்பட பலரும் அணியில் ராயுடு புறக்கணிப்பட்டதை தான் விமர்சனம் செய்துள்ளதாக கருத்து தெரிவித்து வருகின்றனர்.

ராயுடு, விஜய் சங்கருக்கு எல்லாமே ஒரே மாதிரி!!
ஐபிஎல் 2019 லீக் தொடரில் ராயுடு, விஜய் சங்கர் ஆகியோர் முறையே சென்னை, ஐதராபாத் அணிகளுக்காக 14 போட்டிகளில் விளையாடி உள்ளனர்.

பேட்டிங்கில் இருவரும் 219 ரன்களையும், சராசரி 19.90 வைத்துள்ளனர்.
ஒரே ஒரு விஷயம் என்ற வென்றால் ராயுடு 14 இன்னிங்ஸிலும், விஜய் சங்கர் 13 இன்னிங்சிலும் விளையாடியுள்ளனர்.





விஜய் சங்கர் முன்னிலை:
இவர்கள் இருவரில் விஜய் சங்கர் முன்னிலை வகிக்க காரணம் இவர் 14 ஓவர்கள் வீசி ஒரு விக்கெட்டை எடுத்துள்ளார் என்பது தான்.
பிசிசிஐ.,யின் தேர்வு சரிதான் போல...