RR v KKR Preview: ‘ரவுடி பேபி’ ரசல் ரனகளத்தை தாக்குப்பிடிக்குமா ரகானேவின் ராஜஸ்தான்!

ஜெய்பூர்: ஐபிஎல்., தொடரின் 21வது லீக் போட்டியில், ராஜஸ்தான் ராயல்ஸ் அணி, கொல்கத்தா அணியை எதிர்கொள்கிறது.

இந்தியாவில் கடந்த 2008 முதல் ஆண்டுதோறும் உள்ளூர் டி-20 கிரிக்கெட் தொடரான இந்தியன் பிரீமியர் லீக் (ஐ.பி.எல்.,) கிரிக்கெட் தொடர் நடக்கிறது. இந்த ஆண்டுக்கான 12வது தொடர் துவங்கி தற்போது நடக்கிறது.

நாக் -அவுட் இல்லை:
லீக் போட்டிகளுக்கான முழு அட்டவணை பிசிசிஐ., வெளியிட்டுள்ளது. வரும் மே 5ம் தேதி வரை லீக் போட்டிகள் நடக்கிறது. இன்னும் நாக் -அவுட் சுற்றுப்போட்டிக்கான அட்டவணையை வெளியிடவில்லை.

ரவுடி பேபி ரசல்:
இந்நிலையில் ஜெய்பூரில் நடக்கும் 21வது லீக் போட்டியில் ராஜஸ்தான் ராயல்ஸ் அணி, கொல்கத்தா நைட் ரைடர்ஸ் அணியை எதிர்கொள்கிறது. கொல்கத்தா அணியை, பொறுத்த வரையில், ரசல் அந்த அணியின் மிகப்பெரிய பலமாக உள்ளார். கடைசி நேரத்தில் போட்டியில் தலையெழுத்தை மாற்றிவிடுகிறார். இன்றும் இவர் தனது அதிரடியை தொடரலாம்.
சாம்சன் நம்பிக்கை:
அதே நேரம் ராஜஸ்தான் அணியை பொறுத்தவரையில், பட்லர் சாம்சன் நம்பிக்கை அளிக்கின்றனர். இன்றும் இவர்கள் தங்களின் சிறப்பான ஆட்டத்தை தொடரலாம்.

இது வரலாறு:
ஐபிஎல்., கிரிக்கெட் தொடரில் இரு அணிகளும் இதுவரை 18 முறை மோதியுள்ளது. அதில் ராஜஸ்தான் அணி 9 முறை , கொல்கத்தா அணி 9 முறை வென்று சமபலத்துடன் உள்ளது. இன்றைய போட்டி சொந்த மண்ணில் நடப்பது ராஜஸ்தான் அணிக்கு சாதகமான விஷயம்.