RCB vs PBKS: ‘11 பந்தில் 58 ரன்கள்’…காட்டடி அடித்த பேர்ஸ்டோ: லிவிங்ஸ்டனும் அபாரம்: பஞ்சாப் ரன் குவிப்பு!

ஐபிஎல் 15ஆவது சீசன் 60ஆவது லீக் போட்டியில் ஆர்சிபி, பஞ்சாப் கிங்ஸ் அணிகள் மோதி வருகின்றன. இதில் டாஸ் வென்ற ஆர்சிபி அணி முதலில் பந்துவீச்சைத் தேர்வு செய்தது.

பஞ்சாப் இன்னிங்ஸ்:

போட்டி நடைபெறும் பிராப்ரௌன் ஸ்டேடியம் பேட்டிங்கிற்கு சாதகமாக இருக்கும் என கணிக்கப்பட்டிருந்தது. இறுதியில் இதேபோல்தான் நடந்தது.

ஓபனர் ஜானி பேர்ஸ்டோ துவக்கம் முதலே பந்துகளை அடித்து ஆட ஆரம்பித்த நிலையில் இவருக்கு உறுதுணையாக விளையாடி வந்த ஷிகர் தவன் தொடர்ந்து சிங்கில் எடுத்துக்கொடுத்து வந்தார். இதனால், பவர் பிளேவில் தொடர்ந்து ரன்களை கசிந்தது வந்தது. ஹேசில்வுட் வீசிய 2ஆவது ஓவரில் 22 ரன்களும், முகமது சிராஜ் வீசிய 6ஆவது ஓவரில் 23 ரன்களும் கசிந்தன. பவர் பிளேவில் மட்டும் மொத்தம் 83 ரன்கள்வரை ஆர்சிபியினர் விட்டுக்கொடுத்தனர்.

பேர்ஸ்டோ அவுட்:

இந்த பவர் பிளேவில் ஷிகர் தவன் 21 (15) ஆட்டமிழந்தார். இதனைத் தொடர்ந்து பனுகா ராஜபக்ஷாவும் 1 (3) பெரிய ஸ்கோர் அடிக்கவில்லை. இருப்பினும் மறுபக்கம் அதிரடி காட்டிவந்த பேர்ஸ்டோ, ஷாபஸ் அகமது வீசிய 9.1 ஆவது ஓவரில் ஆட்டமிழந்தார். பேர்ஸ்டோ அடித்தது 66 (29) ரன்கள் ஆகும். இதில் 4 பவுண்டரி, 7 சிக்ஸர்கள் அடங்கும். இதில் மட்டும் 58 ரன்களை சேர்த்துள்ளார்.

லிவிங்ஸ்டன் காட்டடி:

தொடர்ந்து நடைபெற ஆட்டத்தில் மயங்க் அகர்வால் 19 (16), ஜிதேஷ் ஷர்மா 9 (5) ஆகியோர் பெரிய தாக்கத்தை ஏற்படுத்தாமல் ஆட்டமிழந்த நிலையில், லிவிங்ஸ்டன் அதிரடியாக விளையாடி ரன்களை குவிக்க ஆரம்பித்தார். குறிப்பாக 19ஆவது ஓவரில் ஹேசில்வுட்டிற்கு எதிராக 23 ரன்களை குவித்து, கடைசி ஓவரில் ஹர்ஷல் படேல் பந்துவீச்சில் 70 (42) ரன்கள் எடுத்த நிலையில் ஆட்டமிழந்தார். இதில் 5 பவுண்டரி, 4 சிக்ஸர்கள் அடங்கும். இறுதியில் பஞ்சாப் அணி 20 ஓவர்களில் 209/9 ரன்களை குவத்து அசத்தியது.