IPL 2022 PlayOff: ‘கண்ணாயிரம்..அந்த கால்குலேட்டர எடு’: சிஎஸ்கே பிளே ஆஃப் சான்ஸ் இதுதான்..கொஞ்சம் கஷ்டம்!

ஐபிஎல் 15ஆவது சீசன் தற்போது விறுவிறுப்பாக நடைபெற்று வருகிறது. இதில் புதிய அணிகளான குஜராத் டைடன்ஸ், லக்னோ சூப்பர் ஜெய்ண்ட்ஸ் அணிகள் சிறப்பாக செயல்பட்டு வரும் நிலையில், சாம்பியன் அணிகளான சென்னை சூப்பர் கிங்ஸ், மும்பை இந்தியட்ஸ் அணிகள் படுமோசமாக சொதப்பி, தொடர்ந்து கடைசி இரண்டு இடங்களில் நீடித்து வருகின்றன.

சிஎஸ்கே சொதப்பல்:

சென்னை சூப்பர் கிங்ஸ் அணி 15ஆவது சீசனின் துவக்கத்தில் படுமோசமாக சொதப்பியது. புதுக் கேப்டன் ரவீந்திர ஜடேஜா அழுத்தங்களுடன் செயல்பட்டு, அணியை சிறப்பாக வழிநடத்தவில்லை. ருதுராஜ் பார்ம் அவுட், மொயின் அலிக்கு காயம், தீபக் சஹார் விலகல், பௌலர்கள் சொதப்பல், சொதப்பலான பீல்டிங் என தோல்விக்கு காரணங்களை அடுக்கிக்கொண்டே செல்லலாம்.

தோனி வருகை:

தோனி மீண்டும் கேப்டனாக பதவியேற்ற பிறகு, முதல் போட்டியிலேயே வெற்றியைப் பெற்றுக்கொடுத்தார். இரண்டாவது போட்டியில் 13 ரன்கள் வித்தியாசத்தில், சிறு வித்தியாசத்தில் சிஎஸ்கே தோல்வியை தழுவியது. அடுத்து மூன்றாவது போட்டியில் டெல்லிக்கு எதிராக 91 ரன்கள் வித்தியாசத்தில் வெற்றியைப் பெற்றுக்கொடுத்துள்ளார். தற்போதுவரை மொத்தம் 11 போட்டிகளில் 4 வெற்றிகளை மட்டுமே சிஎஸ்கே பெற்றுள்ளது. நெட் ரன்ரேட் +0.028 ஆக உள்ளது.

பிளே ஆஃப் வாய்ப்பு:

மொத்தம் 10 அணிகள் என்பதால் பிளே ஆஃப் செல்ல 16 புள்ளிகள் மிகவும் அவசியம். இந்நிலையில் சிஎஸ்கே 14 புள்ளிகள் பெற்றாலும் பிளே ஆஃப் செல்ல முடியும் என்ற நிலை இருப்பதாக கிரிக்கெட் விமர்சகர்கள் கருதுகிறார்கள். அது குறித்து தற்போது பார்க்கலாம்.

MI vs KKR - மும்பை வெற்றிபெற வேண்டும்

LSG vs GT - வெற்றி தோல்வி பிரச்சினை இல்லை

RR vs DC - ராஜஸ்தான் வெற்றிபெற வேண்டும்

CSK vs MI - சிஎஸ்கே வெற்றிபெற வேண்டும்

RCB vs PBKS - பஞ்சாப் வெற்றிபெற வேண்டும்

KKR vs SRH - கொல்கத்தா வெற்றிபெற வேண்டும்

CSK vs GT – சிஎஸ்கே வெற்றிபெற வேண்டும்

LSG vs RR - வெற்றி தோல்வி பிரச்சினை இல்லை

PBKS vs DC - டெல்லி வெற்றிபெற வேண்டும்

MI vs SRH - மும்பை வெற்றிபெற வேண்டும்

KKR vs LSG - லக்னோ வெற்றிபெற வேண்டும்

RCB vs GT - குஜராத் வெற்றிபெற வேண்டும்

RR vs CSK - சிஎஸ்கே வெற்றிபெற வேண்டும்

MI vs DC - மும்பை வெற்றிபெற வேண்டும்

SRH vs PBKS - கடைசி ஓவர்வரை போட்டி நடைபெற வேண்டும். யார் வெற்றிபெற்றாலும் பிரச்சினை இல்லை.

இனி வரும் போட்டிகளில் இதேபோல் நடந்தால் குஜராத், லக்னோ, ராஜஸ்தான் அணிகள் பிளே ஆஃப் சுற்றுக்கு சென்றுவிடும். சிஎஸ்கே, பஞ்சாப் கிங்ஸ், சன் ரைசர்ஸ் அணிகள் 14 புள்ளிகளுடன் இருக்கும். சிஎஸ்கே அதிக நெட் ரன் ரேட் வைத்திருந்தால் பிளே ஆஃப் சென்றுவிடும்.