IPL 2022: லக்னோ அணியின் பெயர் இதுதான்...அதிகாரப்பூர்வ அறிவிப்பு: சிஎஸ்கேவுக்கு டஃப்!

ஐபிஎல் 14ஆவது சீசன் கொரோனாவுக்கு மத்தியிலும், அமீரகத்தில் வெற்றிகரமாக நடத்தி முடிக்கப்பட்டது. இதனைத் தொடர்ந்து 15ஆவது சீசனுக்கான பணிகள் இறுதிக்கட்டத்தை எட்டியுள்ளது. இதுவரை 8 அணிகள் மட்டும் பங்கேற்று வந்த இத்தொடரில், புதிதாக லக்னோ, அகமதாபாத் ஆகிய அணிகளும் தற்போது இணைந்துள்ளன.

இதனால், இந்த இரு அணிகளுக்கும் தரமான வீரர்கள் கிடைப்பதை உறுதிசெய்யும் விதமாக 15ஆவது சீசனுக்கு முன்பு மெகா ஏலம் நடைபெறவுள்ளது. இதன்காரணமாக, 8 அணிகளும் பிசிசிஐ விதிமுறைக்கு உட்பட்டு தலா 4 வீரர்கள் வரை மட்டுமே தக்கவைக்க வேண்டும் என பிசிசிஐ அறிவித்தது. அணிகளும் தக்கவைத்துவிட்டன. புதிய இரண்டு அணிகளும் தலா 3 வீரர்களை தக்கவைத்துள்ளது. இதனைத் தொடர்ந்து பிப்ரவரி 12, 13 ஆகிய தேதிகளில் மெகா ஏலம் நடைபெறவுள்ளது. இந்த மெகா ஏலத்தில் பங்கேற்க 1214 வீரர்கள் தங்களது பெயர்களை பதிவு செய்துள்ளனர்.

பெயர் இதுதான்:

இந்நிலையில், புதிய அணியான லக்னோ அணி, லக்னோ சூப்பர் ஜெயண்ட்ஸ் என பெயர் வைத்து அதிகாரப்பூர்வமாக அறிவித்துள்ளது. மூன்று வார்த்தைகள், சூப்பர் என்ற வார்த்தை, சென்னை சூப்பர் கிங்ஸ் அணியுடன் ஒத்துப்போவதாக ரசிகர்கள் இணையத்தில் பதிவிட்டு வருகின்றனர்.